Ferapontyevka küüyündä açılı bir seçim bürosu 36/61, nereyi taa erkendän insannar gelerlär vermää kendi seslerini. Nicä bütündän geçer bu yaşamak erindä seçim proţesi üürendi bizim korrespondentımız.
Ferapontyevka küüyündä seçim bürosu açıldı saat edidä plana görä. Nicä urguladı seçim bürosunun başı Alöna Şevçenko seçimnär geçerlär uslu, yannışlıklar yada kavga durumnarı yok.
Alöna Şevçenko, 36/061 seçim bürosunun başı: «Seçim proţesi geçer plana görä, angısı plana koyulu MSK. Hepsi geçer ii. İnsannar gelerlär, kendini borcunu vererlär. Taa sık gelerlär büük yaşta insannar. Ama gençlär da gelerlär».
Onun laflarına görä bu gün 20 kişidän zeedä verdilär danışmalarını kulanmaa deyni mobil urnasını hem bu gün geleceklär seçimnerä o insannar, kimin doum günneri, hem kim ilk keret pay alȇr seçimnerdä.
Alöna Şevçenko, 36/061 seçim bürosunun başı: «26 insan verdi danışmalarını, ki kullanmaa mobil urnasını. Bizdä var insan , angısının büün doum günü. Bu kızçaaz ilk keret kendi sesini büün verecek».
Kendi hakını seçmää deyni yaptı Gagauziya Halk topluşun başı Dmitriy Konstantinov, angısı urguladı, ani vedi sesini usluluk için devlettä, ki insannar yaşasınnar islää hem ilerleyan devlettä.
Dmitriy Konstantinov, GHT spikeri: «Bän seçtim usluluk için, ki Moldova dooru yoldan gitsin. Ki bizim kaavi Gagauziyamız birerdä Moldovaylan gitsin ileri dooru. İnanȇrım, ani bizim insannarımız dooru seçeceklär da ayıraceklär Moldova kuvetlerini, angıları düşüneceklär insannar için. Ki onnar ii kışlasınnar da olsun onnarda, ne imää. Umutlanȇrız, ani ölä dä olacek».
Ferapontyevka yaşayannarı verdilär kendi seslerini usluluk hem ii yaşamak için.
«Uşaklarımız ii yaşasınnar».
«Ko bizim halkımız taa kısmetli olsun. İİ gelecää olsun. İi diişmeklär olsunnr».
«Baamsızlık için seçtim».
«Baamsız Moldova için sesimi verdim. Bunun için sesimi verdim».
Ferapontyevkada sayıya koyuldu 845 seçici.
Avtor: Z. Kanţır, operator: Gr. Stavilov, montaj: M. Kazaku
Moldovanın hem Gagauziyanın en mekalı haberleri GRTnın Telegram kanalında!