Moldovada ilerleer «Generaţia pădurii» milli kampaniyası, angısına görä daaların sayısı lääzım zeedelensin. Bu programayı giriştirdi prezident Maya Sandu. Programanın baş neeti — zeedelemää devlettä daaların sayısını 145 bin ektaradan 2032 -ci yıladan.
Devletin milli kampaniyasında Kazayak küüyü artık birkaç yıl pay alêr. Bu vakıt fidancıkları dikerlär Ogorodnaya maalesinin dolayında. Bütündän üç ektardan zeedä koyulacek, dedi Kazayak küüyün primarı Grigoriy Kior: «Bu derenin boyunda, çayırda biz taa ilerdän bizim önümüzdä yapılmıştı bu iş.Ama uymamıştı soylar. вырезать İki üç gündä bizim işçilärlän Kultura evindän, uşak başçalarından hazırladık hepsiciini. Bu çok önemni bir iş, neçinki aaçlar soluk vermäk iş da bizim evlad boylarımıza brakalım bu gözäl erleri».
Belli edilän erdä dikilerlär ölä soyda fidancıklar, angıları klimat koşullarına uyêrlar. İşlerin yapılmasını bakêrlar bu uurda uzmannar, angıları belli ederlär dikmek proţesin kalitesini hem ileri dooru gözletmeyi, — söledi Kazayak küüyün daa uzmanı hem êkologu Zahariy Momat: «Bu programa pek lääzımnı, neçinki bizdä yaamurlar yaamȇȇrlar, hep sıcak olȇr, koyarsaydık, çok daa olacek bizdä — klimat diişecek, olacek başka türlü. O iş için lääzım koymaa büültmää erleri, ama en önemni ilkyazın kazmaa, korumaa, yapmasınnar zarar koyunnar hem insannar».
Bütündän 2025-ci yılın güz aaç dikmek kampaniyasının sınırlarında plannanêr dikmää 33 millindan zeedä fidancık.
Moldovanın hem Gagauziyanın en mekalı haberleri GRTnın Telegram kanalında!