«ЮГ» patrul bakannıın kararına görä Çadır hem Komrat dolayların yollarında «ФИЛЬТР» maasuz operaţiyası geçer. Onun neeti yolda kanonnarına kaarşı gitmeklerin belli etmesi, angılarını kameralar yollarda yazȇrlar.
Erken sabaalendän arabaların şoferlarını, Çadır dolayından gelän Komrada, patrul izmetin çalışannarı kontrol edärdilär. Bununnan baalı Suleyman Demirel adına gimnaziya-uşak başçasından diil uzak, çok maşina toplandı. Kimdä kanona kaarşı gitmeklär yoktu, salverärdilär, öbürlerini durgudardılar taa derindän aaraştırmaa problemayı.
İvan Jeçkov «ЮГ» patrul kurumun ofiţerı nışannadı: «Taa sık belli ediler arabada hızlı gezinmesi hem koruyan kayışın kullanılması. Bundan kaarä maasuz operaţiyaya görä belli ederiz bölä yannışlıkları, nicä maşinalarda tehnika tarafından bakmak dokumendi hem korumak dokumendi yoksa».
Patrul kurumun uzmannarı hayat gibi kurdular, neredän hepsi arabaları geçirärdilär da kontrol edärdilär var mı kanona gitmeklär. Er buldusaydular, şofera protokol yazılardı.
«Korunmak kayışı için ceza 450 leydän 600 leya kadar kurȇr. Yolda hızlı gitmesi için cezanın sayısı baalı ondan, nekadar kilometr taa zedä araba gezdi. Ona görä protokol yazılȇr»,- dedi uzman.
Şoverlar diil birtürlü dokumentlerin kontrol etmesinä hem kanona kaarşı gitmeklerinä bakardılar. Ama birleştirärdi onnarı annamak ki yolda gitmäk kanonnarını bakmaa lääzım.
«Hepsi kuralları lääzım bakmaa diil sade birisini».
«En ilk ki araba ii halda bulunsun hem tehnika uurundan dokumentleri olsun».
«Ki diil lääzım kanona kaarşı yolda gezärkän gitsin, kanonnarı baksın, korumak kayışını kullansın, hızlı gezmesin. Üürenmäk yılı başladı, yolda çok uşak var, insan. Pek sık avariyalar belli ediler. Lääzım dikkatlı olmaa hem maşina da ii halda bulunsun».
Nicä nışannadılar patrul izmetin uzmannarı, «ФИЛЬТР» maasuz operaţiyası ayın bitkisinädän uzanacek.
Avtor: L. Novak, operator: S. Georgiev, montaj: A. Topal
Moldovanın hem Gagauziyanın en mekalı haberleri GRTnın Telegram kanalında!