«FLAME» kolektivin küçük oyuncuları Moldova Çempionatında İndiya horeografiyasını gösterdilär.Onnar sevindirdilär hem şaştırdılar musaafirleri, pay alannarı hem jüri azalarını şıralı giimnärlän,oyunnarlan. «Soarele şi luna» kompoziţiyasını gösterdi orta grupanın oyuncuları.15 — 18 yaşında kolektivin pay alannarı gagauz süitasını oynadılar.
«Hepsi nomerlär ödülleri kazandılar. «Soarele şı luna» 3 — cä eri aldı.İndiya halkın oyunu 2 eri aldı.En üüsek er verildi gagauz süitası oyununa»,- horeograf Elena Çakir annattı.
«Sţenada ilin kendimi duyȇrım ,makar ki dalgalanȇrım,ama bu duygular bana kuvet hem ihlam vererlär»
«Bana deyni tarayıcı olmaa önemli.Bu verer umut ileri gitmää».
Genç oyunculara çempionat önemli eri kapladı onnarın çalışmalarında.Onnar çok kuvet koydular
deyni büük sţenaya çıkmaa,da bu üüsek çıkışları kazanmaa.
«Moldova çempionatı bizä deyni büük örnek.Biz seftä bölä yarışmada pay alȇrız. Da aldık 1 eri.İleriya dooru çalışacez taa katılmaa yarışmalara».
«Üüsek ödüllär- klubumuza büük sevinmelik.Biz gururlanerız,ani çıktık ölä üüsek uura».
«FLAME» oyuncuların çalışmaları,sevgi hem talant üüsek başarlara getirerlär, nışannȇȇr hareograf Elena Çakir: «Uşakların becermekleri pek sevindirdilär beni. Onnar taa bir keret kendileri üüsek uurda gösterdilär».
Çempionatta başarılar Svetlıy küüyün gençlerinä stimul oldu. Onnar neetlenerlär ileriya dooru talantını ilerletmää.
Moldovanın hem Gagauziyanın en mekalı haberleri GRTnın Telegram kanalında!