Geçer yıllar, diişer yaşamak, geler eni soluk, eni vakıt. Sade sevgi Ana topraana insanın canında diveç kalȇr. Nereye da gitmesin insan, o hep döner ilk adımnarı yapmış erä.
Gagauziyada duumalı, «Serin Su» ansamblisinin muzıkantı hem türkücüsü Födor Arnaut bitki yıllar yaşȇr Rusiyada. Födor çok kerä yortularda, konţertlarda türkülerini çaldı. Ana tarafıda onu çok kim tanȇr. Bu günnerdä Födor Arnaut döndü Komrata, biz dä onnan buluşup intervyu yazdık. Saa osun ani teklifimizi kabletti.