Komratta merkez sport stadionunda geçti 12 heryılkı futbol turniri veterannarın aralarında Födor Vlahın anması için. Olay topladı 8 takım Gagauziyadan hem Moldovadan.
Bütün günün säresindä meydanda geçti matçlar 8 komandaların aralarında, angılarından dördü devletin poyraz tarafından, dördü dä üülen tarafından. Yarışmaların baş neeti ilerletmää sportu, aktiv hem saalıklı götürmää yaşamayı, hem dostlaşmaa başka komandalarlan. Nicä urguladılar futbolcular meydanda duyulardı kızgınnık, hem oyunnarda kaaviydi.
«Zor oyun geçti, Belţ klubu diil yufka komanda. Onun için ilk taramak var gideriz sansın ileri. Bakacez taradık bir-sıfır».
«Oyun geçti zor, ilk taym taa diil pek zor, ama ikinci zorcaydı. Biraz yorulduk, yol uzaktı bizdä».
«Bizi teklif ettilär , biz geldik, saalıklı yaşamayı götürmää, meraklıydı, nicä yortu geçti, biz tutturȇrız atmosferayı, gözäl oyunnar geçsinnär».
«Bizdä sport meraklıımız var, her keret isteeriz taramaa. İlk iki oyun, angılarını biz siirettik ii geçtilär üüsek uurda».
Yarışmaların baş davaacısı Sergey Stoyanoglo nışannadı, bölä turnirlerin önemniini.
«Turnirdä pay alȇr 8 komanda, 4 poyraz tarafından- Belţ, Glodänı, Faleştı, Soroki, hem dört komanda üülen tarafından Komrat, Kagul, Kantemir hem Taraklı»,- dedi trener.
Nicä nışannadılar futbol veterannarı, sportçular lääzım tutsunnar aklılarında o insannarı, kim kaldırardı futbolu ayaa hem kimin örneendä üürenärdilär gençlär.
«Programmaya görä bölä kaavi komandalar pay alȇrlar Belţ, Glodänı- poyraz tarafından, devletin üülen tarafı pek ii. Oyun ii bakarak MFT ligasına diil ölä çemrek, ama veterannar oynȇȇrlar»,- nışannadı sportçu.
Yarışmaların çıkışlarına görä final oyunun içindä Kagul komandası taradı Komradı sayılan 2-1. İkinci erdä oldular Komrat futbolcuları hem ilk erdä Soroka komandası. Hepsi tarayıcılar kablettilär diplomnarı, para baaşışları , geçän kuboo, angısını iki yıl sıradan tarȇr Kagul komandası.
Moldovanın hem Gagauziyanın en mekalı haberleri GRTnın Telegram kanalında!