G.Gaydarjı adına liţeyindä yortulu olay geçti, angısı adalıydı eni üürenmäk yılın çeketmesinä. Üürenicilär, üüredicilär, analar-bobalar toplandıalr bu önemni olayı nışannamaa.
Bu yıl Komrat kasabası G.Gaydarjı adına liţeyinä birinci klasa geldi 49 uşak. Onnarı kutladılar hem adamakları söledilär. Üüredicilär urguladılar, ani okul uşaklar için olacek ikinci aylä, neredä onnarı bekleerlär eni bilgilär hem açmaklar.
Valentina Terzi, başlankı klaslar üüredicisi, söledi: «Bekleeriz kısmedi, şennii, eni duyguları hem aklına getirmekleri. Birinci klas o herzaman pek meraklı hem büülü bir iştir. Umutlanȇrım, ani bu yıl bizim birinci klasın üürenicileri için başarılı olacek. Ama üürenmää istemäk olarsa biz yardım edecez».
Yortuda söz tuttu liţey öndercilii, erindeki kuvetlerin temsilcileri. Onnar kutladılar üürenicileri hem adadılar yaradıcılık başarları hem ii çıkışları.
«Büün biz en önemni günü liţey yaşamasında bakȇrız- ilk çan ötmesini. Bu gün açȇr eni üürenmäk yılını, angısı getirecek bizä eni plannarı, davaaları hem çıkışları»,- nışannadı liţeyin öndercisi.
Primariyanın hem muniţipal sovetin adından üürenicileri kutladı nasaatçı Valeriy Kıssa: «Kimä sä bu yortu ilk keret kimä sa o bitki bu üürenmäk yılında. Ko okul yılı başarılı olsun da getirsin eni hem çok bilgi, başarları hem ödülleri, eni dostları. Yıl hızlı geçecek bunun için savaşın bu vakıt sizin için olsun faydalı hem eni bilgilerin kabletmesindä başarlı».
Sentäbrinin biri- o uşakların yaşamasında eni bir etap, söledi Gagauziya üüretim bakannıın baş uzmanı Mariya Uzun: «Sentäbrinin birisi- o diil sade kalendardä bir gün. Bu eni etap üürenicilerin yaşamasında. Kimä sä o ilk adım okula, kimä sa sıradakı adım kendi düşünmeklerinä, kimä sä zanaata yol. Bu gün biz duyȇrız üüretmenin paalılıını, üüredicinin rolünü hem bilgileri kabletmää istemesini».
Birinci klasın üürenicileri bekleerlär nesä eni hem meraklı da umutlan çekederlär ilk üürenmäk yılını.
«Bän bekleerim eni üüretmäk yılda uşaklar islää üürensinnär, üürediciyi seslesinnär hem islää
«Olsunnar arif hem kabletsinnär 10 hem 9 notayı».
«İsteerim birinci klaslar olsunnar hem islää».
«Hepsi islää üürensin».
«Bän beenerim okulu Gaydarjı liţeyini».
«Okumaa kiyat, yazmaa».
12-ci klasın üürenicleri umutlanȇrlar başarılı okulu bitirmää hem ekzamenneri vermää.
«Bu yıldan bekleerim, ani islää verecez ekzamenneri. Bizdä klas becerekli. Universitetlerä üürenmää girecez da geleceyemiz islää olacek».
«Düşünerim, ani bu yıl şen hem faydalı olacek da biz ekzamenneri verecez. Hepsi super olacek. Umutlanȇrım, ani hepsi islää olacek».
«Sayȇrım, ani bu yıl en ii olacek biz nereyä sä üürenmää girecez da geleceyemiz olacek».
Analar-bobalar hem üüredicilär hep ölä umutlan bakȇrlar ileriya dooru. Onnar hepsinä adadılar üürenmäk yılı başarılı olsun.
«Paalı uşaklar büün sizin için duygulu bir gün. Siz pek gözälsiniz biz sizi severiz. Hem inanȇrız, ani siz islää notaları hem bilgileri kabledeceniz. Siz en islääysiniz 12 A klas».
«Bu yıl biz bitki yıl üüreneriz. Lääzım üürenmää, bilgileri kabletmää, bakalavra ekzameni vermää. Bunun için nekadar o zor olacek, okadar meraklı da. Bütün Gagauziyayı kutlȇȇrız eni üürenmäk yılın çeketmesinnän. Hepsi uşaklara başarlar, kolegalara da saalık, yaradıcılık başarları hem bu yıl olsunnar islää çıkışlar».
Yortulu atmosfera, uşakların, anaların-bobaların gülümsemesi, çiçeklär hem ii kef oldular bu günün baş maanasınnan. Adetä görä çan ötmesi belli etti, ani derslär çekederlär.
Moldovanın hem Gagauziyanın en mekalı haberleri GRTnın Telegram kanalında!