Stepan Kuroglo adına gimnaziyasında «Lingvistika yaz okulu» geçer. Bu proekti M.Maruneviç adına Bilim-aarştırma merkezi hem Gagauziya Üüretim bakannıı birliktä kurdular hem geliştirerlär. Bu lagerä ikinci klasların üürenicileri gezerlär. Burada onnar gagauz dilini üürenerlär. Onnara deyni meraklı programa kuruldu. Uşaklar resimneerlär, türkü çalȇrlar, dışarda oynȇȇrlar. Herbir sınışın yardımınnan onnarın laf zebellikleri genişlener, sölerlär üüredicilär. Hep ölä burada türlü master-klaslar geçirilerlär. Bu sıra buraya Beşalma küüyü Zanaat okulu başı Pötr Kapaklı geldi. O uşakları sarı topraklan hem gipslan işlemää üüretti.
Beşalma küüyü Zanaat okulu başı Pötr Kapaklı “Lingvistika yaz okuluna” musaafirlää geldi. O uşakları sarı topraklan işlemää üüretti. Onnar topraan üstündä çiçekelrin hem otların izlerini braktılar. Bundan sora gips döktülär. Busoy zanaat uşakların yaradıcılık becermeklerini açȇrlar, söledi usta P.Kapaklı:«Bän büük havezlän uşaklarlan işledim. Biz sarı topraklan işledik».
Pötr Kapaklı söledi, ani büük havezlän uşaklarlan işledi. Hem ani o sevinecek, eri bu uşakların sayısından birkaçı Zanaat evinä gezmää başlarsa.
Uşaklar sevindilär bu master-klasa. Onnar söledilär, ani meraklı vakıdı geçirdilär.
«Bän beendim bu master klası».
«Bän pek beenerim bu lageri. Burada biz şen vakıdı geçireriz».
Lingvistika yaz okulun programası Başlankı klaslar için Gagauz dili hem literaturası eni kurikulumun temelindä kuruldu. Hazırladı bu programayı G.Gaydarci adına liţeyin üüredicisi T.G.Mitioglo. Yardımcı oldu Bilim-aarştırma merkezin zaametçisi A.A.Kristova. Uşaklar gagauzça lafederlär, cümleleri kurȇrlar, gagauz dili atmosferasında bulunȇrlar — sölerlär uzmananr, açıklayarak, ani bu faydalı küçük yaşta uşaklara deyni. Onnar havezlän üürenerlär eni lafları. Yarın burada taa bir master klas geçecek. Uşakları halk avalarına görä oynamaa üüredeceklär. Bundan sora pay alannara sertifikatlar verileceklär. Üçüncü aftayı uşaklar onlayn gagauz dilini üüreneceklär, lafları tekrarlayacȇklar hem meraklı interaktıv sınışları yapacȇklar. Proektin kurucuları koydular neetlerinä, ani gelän yıla «Lingvistika yaz okulu» Gagauziyanın may hepsi okullarında geçirilecek.
Moldovanın hem Gagauziyanın en mekalı haberleri GRTnın Telegram kanalında!