Kongaz küüyü Kultura evi başı Matröna Hristeva kultura olaylarını bütün ürektän sever hem onnarı kurmaa becerer. İnsananr kultura varlıkları için taa geniştän üürensinnär deyni, onu annamaa hem saymaa sınaşsınnar deyni Matröna Hristeva türlü konkursları kurȇr hem geçirer. Bu uurda zaameti için «Gagauz Eri şannı kultura izmetçisi» adını kabletti.
Bitki yıllar Kongaz küüyun kultura evi oldu o er, neredä gençlär hem yaşlı insannar toplanȇrlar, büüklär evlat boylarımıza evelki türküleri, halk adetleri için annadȇrlar, kendi ustacılıınnan paylaşȇrlar. Matröna Hristeva kongazlıları birleştirer gagauz halkı kulturasına ihlam hem sevgi verer, hatırlık güder.
«Bizim için önemli anaların –bobaların işleri. İstediylän göstemää o vakıtları ,mutlaka lääzım olsun dolayda.Kendimiz ta lääzım giinelim ölä rubaları, da lääzım evelki zamannara görä donadalım.Ölä daava koyduk önümüzä, toplayalım insannarda o işleri,angılarını kullanmȇȇrlar»,- nışannadı Matröna Hristeva.
«Kongaz korafı» ,«Oüyun vakıdı», «Kongaz ustalıı» festivallär,yarışmalar,yortular,angılarını Matröna Konstantinovna hazızlȇȇr hem geçirer üüsek urda mayıl ederlär diil sade gagauzları, ama aşırı devletlerdän gelän musaafirleri da .Kultura evin teatru studiyası Halklar arası urunda oluşlara katılȇr.
«Giineriz halez evelki rubaları.Halez rubaları,angılarını giyarmiş bizim malilerimiz,dädularımız.Biz topladık insandan,okadar çalıştık onnarı koruma.Biz onnarı tertipleeriz. Topladık. Plisirovka kaybelmesin, ,ara kırıklı, flaneli gölmeklär»,- nışannadı Matröna Hristeva.
Herbir proekt bu bir kolaylık derindän gagauzların kulturasınnan tanışmaa, adetlerin maanasını annamaa, söleer kultura evin başı.Birkaç yıl sıra vardı kultura zaanatçıları kısadan fılmları çıkardılar. Angılarında gagauzların yaşaması, folkloru açıklanȇr.
«Dolayda o kadar becerekli insan var,Kongazda duumuşlar hem yaşȇrlar. Andrey Kiriloviç, İvan Statov,İvanov kardaşları -bölä seslär yok birerdä,Pelageya Konstantinovna,Mişa hem Valä Yasıbaş , Radion Georgievic. Bir sürü iş var nicä yapmaa»,- nışannadı Matröna Hristeva.
Matröna Hristeva «Пипируда», «Лазаре» hem başka gagauz halkın may unudulan adetlerinnän Kongaz küüyun küçük yaşayannarını tanıştırȇr.
«Gençlär çok havezlän katılȇrlar.Deeciz. Demeerlär , ani çirkin. Çemberi, fıtayı,yapa çorapları,eski rubaları»,- nışannadı Matröna Hristeva.
Yaratıcılık proektlärlän sırada önemli işlär Kultura evin düzülmesindä da oldu. Vokal studiyası,oyun zalaları aynalarlan, pençerlär diişildilär.Yapıldı oda Gül vokal ansamblisi için.
Sevgi gagauz dilinä,halkın adetlerinä,yortularına hepsi bunnar Matröna Konstsntinovnaya ihlam vererlär. Başarlı çalışmaa talantlı insannarlan kuvetlendirer .
Moldovanın hem Gagauziyanın en mekalı haberleri GRTnın Telegram kanalında!