Düzücülük hem agrar bakannıın uzmannarına deyni geçirildi seminar, angısının süresindä zaametçileri tanıttırdılar Devlet agenstvonun işinnän hem annattılar eniliklär için kanon bazasında.
Buluşmanın süresindä agentstvonun zaametçisi annattı identifikaţiya elektron imzası için, ne o İD karta hem başka işleri. Nesoy koşulları onnar vererlär, nışannadı Svetlana Novak: «İnsannar lääzım olsunnar haberli, 25 yıldan bizim agentstvomuz çeketti eni pasportları yapmaa, bu eni dokument, angısında var elektron imzası, da bu dokument verer kolaylık bizim insannara taa az resurs hazırlamaa deyni dokumentleri, hem hep ölä verer kolaylık çıkarkan evdän, vermää danışmayı dokumentleri yapmaa deyni».
Nicä nışannadı düzücülük bakannıı baş injineri Boris Novak, seminar meraklıydı hem faydalıydı.
«Bän kendimä ii çıkış yaptım, neçinki ţifra tehnologiyalrı gider ileri, da eniliklär giriştirilerlär. Maasuz dokumentlär, ȇlektron imzaları için, da büük yaşta insannara zor, çünkü yaşamak gider ileri, kabletmää da yaşamaa eni koşullara görä lääzım»,- Boris Novak nışannadı.
Nicä urguladılar seminarın pay alannarı, verilmiş haberlär çoyu soruşlarda vereceklär kolaylık taa mobil kulanmaa agenstvonun koşullarını hem taa kolay kabletmää türlü dokumentleri.
Moldovanın hem Gagauziyanın en mekalı haberleri GRTnın Telegram kanalında!