Gagaguziya M.Maruneviç adına BAM «LEHÇEDİZ» platforması açıklandı.
«LEHÇEDİZ» elektron platforması, angısı Türkeye devletindä türk dillerinin hem dialektlerin üürenmesi için kuruldu. Proekt türk dilleri üürenmesi hem korunması proţesindä önemni eri kaaplȇȇr hem türk dilli milletlerin baalantı kurmasına destek olȇr.
«LEHÇEDİZ» platforması o gelişmiş bir sözlük. Büünkü gündä ona girer Türkiya devleti yaratmaların lafları. Gagauz lafların da M.maruneviç merkezin yardımınnan bu sözlää integre edilmesinı gerçeklemää isteeriz»,- doktor, doţent Kudret Safa Gümüş nışannadı.
Elektron platformaları vererlär kolaylık büük insan sayısına dil özelliklerini üüretmää, nışannadı doktor, doţent Şükrü Baştürk: «Dil, cannı bir vaarlıktı. Bu platform 300-400 yıl öncä kullanılan hem büünkü gündä kullanılan lafların arasında ayırılıkları gösterer. Elbetki bu türk sözlüklerinä ihtiacımız var».
«LEHÇEDİZ» platformasına Gagauz dilini geliştirmäk verecek kolaylık diil sade Gagauziya, ama başka devletlär yaşayannarına da onunnan tanışmaa, nışannadı Gagauaiya M.Maruneviç adına BAM başı işini götürän İrina Konstantinova: «Bizim için bu ilk halklararası proekt. Sevineriz, ani bizim türk kardaşlarımız unutmȇȇrlar bizi bu konuda hem destek olȇrlar, ki gagauz dili dä başka türk dillerinnän bir sırada olsun».
Olayın süresindä TD Komratta Genel Konsulu yardımcısı Süreyya Gülver proektä katılannara hem gagauz dili koorunması uuruna kuvet koyannara başarıları diledi.
«Gagauz dili lääzım koorunsun hem yaşatılsın. bu konuda Türkeyä hertürlü destää verer Ana dili üüretmäk uurunda.Bu çalışmaların devamını sizä dileerim, üüretmennerä da şükür ederiz. İi şalla bu çalışmalar ilerleyeceklär»,- Süreyya Gülver nışannadı.
Olayın pay alannarı nışannadılar, ani gagauz dili ţifralaması yardım edeceklär Ana dilimizin korunmasına hem ilerlemesinä.
Avtor: A. Terzi, operator: G. Stavilov, montaj: A.Topal.
Moldovanın hem Gagauziyanın en mekalı haberleri GRTnın Telegram kanalında!