Gagauziyadan deligaţıya Moldova parlamenti deputatı Aleksandr Suhodolskiy hem Bakannık komiteti başının yardımcısı Viktor Petrov Tatarstan başakanınnan Rustam Minnihanovlan buluşmakta pay aldılar. İş görüşmeleri Kazandä İkinci Dünnä cengin enseyeşinin 80-ci yıldönümünä adalı olayların çerçevesindä geçirildilär.
Buluşmanın süresindä iki taraf açıkladı hazırlıını Gagauziya hem Tatarstan aralarında ortaklıklarını genişletmää hem kavileştirmää. Alış-veriş- ekonomika, çiftçi uurunda barabar çalışmak, medeţına hem farmaţevtika, hem İT bölümneri iş birlii soruşları ön plana çıktılar.
Aleksandr Suhodolskiy urguladı, ani iki bölgelerin alış-veriş palataların aralarında iş birlii annaşmaları var, Çadır-Lunga hem Nurlat kasabaların aralarında balantılar kurulu. Hep ölä Moldovanın Okniţa hem Tatarstanın Buinskiy dolayları barabar çalışȇrlar. Buluşmanın çerçevesindä kultura uurunda barabar çalışmaları için dä laf gitti.
Bundan kaarä, Gagauziya Başkanı Guţul Evgeniyaylan baalı durum açıklandı, onun arestı için laf gitti.Deputat Aleksandr Suhodolskiy nışannadı, ani «bölä buluşmalar dostluun hem iş birliin kaavi temelini iki halkın aralarında koyȇrlar».
Moldovanın hem Gagauziyanın en mekalı haberleri GRTnın Telegram kanalında!