Komradın Regional istoriya-dolay muzeyindä Halklararası muzeylerin gününä adalı tombarlak masa geçti. Oluşta avtonomiya muzeylerin öndercileri, bibliotekalar temsilcileri hem kultura çalışannarı pay aldılar.
Komradın regional istoriya-dolay muzeyi – Moldovanın üülen tarafında en büük muzeylerin birisi. Onun fondunda 89 bin ȇksponattan zeedä var. Muzeyin şindiki öndercisi Valentina Dermenci söleer, ani muzey — istoriya varlıın koruyucusu sade diil, o evlad boylatın aralarında dialog meydanı.
«Мuzey – o merkez, neredä ȇksponatlar toplu sade diil, burada çoyu soruşlara cuvaplar saklı»,- Valentina Dermenci söleer.
Вitki yıllar muzey aktiv ayaşamayı götürer. Burad tombarlak masalar, kultura hem cümnä çalışannarınnan buluşmaklar geçerlär. Tombarlak masanın çerçevesindä muzeyin çalışannarı dokladlarını açıkladılar, neredä gagauzların tradiţional zanaatlarını, kultura özelliklerini açıkladılar.
Аlöna Georgieva Komradın Regional istoriya-dolay muzeyin muzeografı: «Gagauzların evel zanattları – hayvancılık hem topraa işlemäk. Kara toprak hem klimat çiftçiliin ilerlemesinä uyȇr».
Oluşun pay alannarı özel dikkatlıı çölmekçilik zanaatına verdilär. Muzeyin çalışanı Georgiy Tukan çölmakçilik aylä zanaatı için annattı.
«Ev kaplarını sarı topraktan yapardık. Onu Kıpçak bayırından alardık. Toprak üüsek kaliteliydi hem temizdi. Bizim dedelerimiz biyaz topraa da kullanardılar, ondan biya yapardılar»,- Georgiy Tukan annattı.
Oluşta temsil edildi gagauz resimcinin Dmitriy Savastinın yaratmaların kolekţiyası. Onun yaradıcılıı hem gagauz karıları tradiţional takıları açıklandılar. M.Maruneviç adına BAM çalışanı Kristina Barbova muzey fonduna gagauz millet donakları kataloglarını baaşladı.
«Sizin profesionnalıınız, sevgi işinizä kultura varlıını korutmaa yarım eder. Bu iki kataloo muzeyä baaşlȇȇrız»,- Kristina Barbova açıkladı.
Tombarlak masanın baş neeti – muzeyin baş rölünu regionun kultura yaşamasda göstermää. Muzeyin başı kasabanın yaşayannarını hem musaafirlerini hederlez ayın 17 açık kapular gününä teklif etti.
Moldovanın hem Gagauziyanın en mekalı haberleri GRTnın Telegram kanalında!