Gagauziyada ilk karpuzlar hem kaunnar şansora panayırcıların sergennerinä çıkarıldılar. Sıcak yaz günnerindä bu sulu hem tatlı emışlär insanı sevindirerlär.
Karpuzun paası 10 leydän, kaunun paası 15 leydän bir kilası için başlȇȇr. Satıcılar sölerlär , ani karpuzlar hem kaunnar bu yaz taa çok Dezgincedän, Kongazçiktan hem Kirsovo küüylerindän getirilerlär, ama bu yıl yaşayannar pek alatlamȇȇrlar onnarı satın almaa, sölerlär satıcılar.
«Yok alış-veriş hiç. Yol boylarında satȇrlar . Yollar boylarında hepsicii satın alȇr- burada ama , yok alış — veriş . Hiç bişey satamȇȇrız ne karpuz , ne dä patlacan».
«Alȇrlar pek islä».
«Prost , zerä bizdä burada az insan var. Yolda satȇrlar orada insan gezer çok, ama bizdä hiç bişey yok».
Karpuz yada kaun satın almaa isteyennerin sayısı çok diil. İnsannar türlü sebepleri bunun için açıklȇȇrlar. Var öleleri, kim bekleer paalar ucuzlasınnar, varkimileri sayȇrlar, ani taa erken onnarı imektä kullanmaa..
«Pek siirek satın alȇrız, zerä istämeeriz otalanmaa»
«Aftada bir sıra satın alȇrız»
«Bän pek korkȇrım bostan mallarını satın alma . Biz evä almȇȇrız. Sanȇrım , ani onnarı büüdärkän çok pestiţid kullanılȇr. Bekleerim avgustu- benim küçüklüümdä biz bölä çok yıl yapardık . satın alȇrız hepsini avgust ayda».
Ekspertlär naasat ederlär , açan alȇrız bostan mallarını lääzım bakmaa onun kokusuna hem da seslemä olmuş mı o. Karpuz, kaun lääzım alma sade o erlerdä , angılarını sän bilersin , hem islää yıkamaa onu kullanaceykana.
Avtor: M. Tukan, operator: V. Tabaçuk, montaj: İ. Rezuneţ
Moldovanın hem Gagauziyanın en mekalı haberleri GRTnın Telegram kanalında!