«Gagauziya patriotları» kuruluşun aktivistleri Valkaneş kasabasında sıradakı mitingı geçirdilär. Danışıp GHT hem Bakannık komitetinä barabar oturuşu geçirsinnär. O üzerä, ani fevralin 20-sindä Respublikan kuvetlerin vizitın iş sırasında Gagauziya bayraa yoktu.
«Gagauziya patriotları» dolay kuruluşun başı İvan Fuyör urguladı, ani bu şansora ikinci miting, neredä bakıler soruş ani respublika hem erindeki kuvetlerin buluşmasında yoktu Gagauziya bayraa. Onun laflarına görä ilk mitingtan sora hiç birda reakţiya yoktu.
«Geçirildi miting. Biz rezolüziyalan çıktık. Bu rezolüţiyayi hiç kimsey esaba almadı. Bu üzerä biz kararladık taa bir miting geçirmää, da annatma insana hepsini nicä var»,- İvan Fuyör urguladı.
Çadır kasabasının «Gagauziya patriotları» birliin başı Nikolay Marinov urguladı, ani Moldova öndercilerin gelmesi için Gagauziyaya regional kuvetleri lääzım her zaman bilsinnär.
«Hepsi kim geler, başkanın lääzım haberi olsun, primar lääzım bunun için başkana sölesin hem izin sorsun var mi nicä osaydı yok nicä onu kabletmää- bän ölä sayerım»,- Marinov urguladı.
Biz komentariylär için danıştık Valkaneş kasabasının prmarına. Nikolay Posmak adadı telefon açmaa, ama ölä da bunu yapmadı.
Cümnä aktivisti Mihayil Vlah kendi sözündä açıkladı, ani bu situaţiyayalan balı soruşu GHT hem Bakannık kometedı lääzım kendi barabar oturuşunda baksınnar.
«Rezolüţiyada yazılı, ani Gagauziya kuvetleri , Halk Topluşu hem Bakannık komitedi sırasız sessiyasına lääzım toplannsınnar, orayi hepsi primarları toplasınnar, da istesinnär onnardan ki onnar Gagauziya özel statusu için kanonunu hem MR Konstituţiyasını tamannasınnar»,- Mihayil Vlah açıkladı.
Mitingın bitkisindä rezolüţiya kabul edildi, neredä onun pay alannarı isterlär ki Gagauz Erin kuvetleri bu situaţiylan balı mutlaka baksınnar .
Mitingın bütün süresindä sţenada hem Valkaneş primariyasının önündä protesto akţiyanın pay alannarı Gagauziya Bayraklarını gerdilär, danışıp kasaba öndercilerinä avtonomiya simvollarına dayma hem hojma saygı göstersinnär.
Moldovanın hem Gagauziyanın en mekalı haberleri GRTnın Telegram kanalında!