«Палитра чувств» yaradıcılık sergisi regional galereyasında açıldı. «Elegiya» ansamblisi galereya salonunu klasika muzika avalarınnan doldurdu.
Yıl –yıldan ilkyaz sergisi taa genişlener. Bu yıl 99 incä zanaat yaratmaları «Палитра чувств» sergisindä erleştirildi,nışannadı Kultura bakanı Marina Semönova: « Gözäl aftmosfera galereyada talantlı resimcilein hatırınnan kuruldu.Herkezini şükür ederim paasız yaratmalar için ».
Türlü janralarda resim tabloları, kuklalar, dikmä el işleri, ikonalar,musafirlerin hem yaradıcılık zanaatçıların bakışlarını kapladı ,söleer ikonaları yazan resimci Kira Yayman:«Sevinerim,ani geldim ,getirdim ikonaları- ayozlu Nikolay, Panayiya, Kseniya Blajennaya, angılarını bu yıl yazdım, ilkyaz diil sade dışarda ,açȇr içandan da».
Avtorlar türlü stillerdä yaratmalarında kendi özel bakışını dünneyä gösterdilär,nışannȇȇr resimci Anastasiya Rakovçena: «Pek beenerim sergilerä gelmää.Burada inanılmaz energiylän dolȇrım ,bu duygu pek lääzımnı karılara,resimcilerä».
Yaratmalarda – açar başçalar, ana süretlär, güneşli sokaklar. İlkyaz canlarımızı hoşlandırȇr,açıklȇȇr Tatyana Kasım: «Karıların energiyası taa yalpak.Kış zamannarından sora yaratmalarımız taa şıralı olȇr».
Resimci Natalya Vornikova ekspoziţiyanın genişliini urguladı.
«Zengin çeşitli yratmalar şaştırȇrlar.Grafika,akvarel,el işleri –hepsi ilkyaz kokusunnan ,sevgiylän örülü »,- Natalya Vornikova urguladı.
«Палитра чувств» sergisinin kurucusu — kultura bakanı. Baş neet- resimcilerä, musaafirlerä ,pay alannara, incä zanaatı sevän insannara ihlam vermää.
Svetlana Kojuhar resimci, urguladı: «Bizim çalışmalarımızda ilkyaz gözellii.İlkyaz canımızda,evlerimizdä.Burada dostlarımızlan buluşȇrız, duygularımızlan paylaşȇrız».
Alla Prisakar, resimci, urguladı: «Güneşli, sıcak, karıların yaratmaları usluluu açıklȇȇrlar».
Yortulu oluşta musafirlär duygularınnan paylaşȇrlar.
« Bän bobamnan geldim.Pek gözäl tablolar. Biz barabar geldik kutlamaa karıları ilkyaz yortusununnan ».
«Dünnedä 100- dän zeedä devlet gezdim ,çok sergileri gördüm,ama Gagauziya karıların yaratmalarını pek sevdim ».
«Палитра чувств» sergisi mart ayın süresindä çalışacek.
Moldovanın hem Gagauziyanın en mekalı haberleri GRTnın Telegram kanalında!