Lider olmaa deyni netürlü kalitä lääzım? Bu kaliteleri nesoy ilerletmää var nasıl? Komratta Üürenicilär regional nasaatın azaları için trening geçti. Onnar liderlik için lafettilär.
Üüretim bakannıın başı Nataliya Kristeva danıştı üürenicilerä hem söledi, ki onnar liderlik kalitelerini ilerletsinnär lääzım.
«Sizin bakışınız bizim için önemni. Sizinnän birliktä üüretim sistemamızı ii tarafa diiştirmää hazırız»,- Nataliya Kristeva danıştı.
Üürenicilär regional nasaatın azalarına liderlik için IT-kompaniyanın başı A.Boboglo annattı. O söledi, ani akına lider diil laflan, amma işlän kendisini göstersin lääzım. Da sadecä bundan sora onun komandasında işlemää isteyennerin sayızı gün-gündän zeedelenecek.
Olga Ȇkonom Gagauziya üürenicilär regional nasatın başı annattı: «Bu üürenicilär — aktiv vatandaşlar. Onnar cümnemizä faydalı olmaa isterlär. Bunun için dä liderlik kalitelerini kaavileştirsinnär lääzım».
Olayın sonunda üürenicilär çıkışları yaptılar. Hep ölä onnar gelecek için plannarını kurdular.
Moldovanın hem Gagauziyanın en mekalı haberleri GRTnın Telegram kanalında!