GHT Devlet izmetleri kurumuna karşı administrativ danışmasını daava kurumuna yolladı. Bu danışmanın baş neeti HT seçimnerininnän baalı dokumentleri esaba getirmää hem yapmaa ölä, ki Gagauziya seçim organın öndercilii kanonan görä seçilsin.
«Merkez seçim komisiyası hem Halk Topluşu daava organnarına administrativ danışmasınınnan danıştılar, ki izin versin registraţiya palatasına lääzımnı işleri geçirsin. Neçin bu lääzım? Çünkü bu diişilmekleri geliştirmediynen olayları, angıları baalı seçimnerin geçirilmesininnän gerçeklemää yakışmayacek. Kazna kurumu bunu yapamayacek»,- GHT viţe-spikerı Georgiy Leyçu açıkladı.
Moldovanın Devlet İzmeti̇ Agentstvosunda durumu açıkladılar: «MD seçim organnarına Gagauziyanın Merkez Seçim nasaatı girer, ama diil ayırı bir struktura olarak. Alarak esaba Seçim Kodeksin 244-cü statyasının 4-cü payını, bu ayırmakların diil sade terminologiya tarafından maanası var, ama maasuz hak taraftan da. Bu statyada sölener, ani milli seçim kanonundan kaarä, bir dä kurumun hakı yok eni seçim bölümnerini kurmaa hem onnara çalışma hakını vermää”.-nışannanȇȇr Moldova Devlet İzmeti̇ Agentstvosunun kararında».
Moldovanın Devlet İzmeti̇ Agentstvosunun danışmasında hep ölä çizgelener, ani Pötr Zahariyanın statusu, angısı Gagauziya seçim organın öndercisi gibi kabledildi, MD Merkez Seçim Komisiyasınınnan inandırılmȇȇr. Pötr Zahariya bu duruma kommentariya vermää kayıl olmadı.
Moldovanın hem Gagauziyanın en mekalı haberleri GRTnın Telegram kanalında!