Gagauziya Halk Topluşun deputatları baktılar MD Merkez seçimnär komissiyanın cümlesini, yapmaa deyni diişmekleri Seçimnär Kodeksına.
Merkez seçim komissiyasının haberlerinä görä, iniţiativa doorudulu uydurtmaa kanonnarı hem proţesual mahanizmaları, ki taa ȇffektiv esaba almaa riskları, angıları belli oldular bitki seçimnerdä, hem da geçirmää deyni gelän seçimneri acık. GHT başın işini bir vakıda götürän Nikolay Ormanji haberledi, ani hazırlarkana diişilmekleri, angıları ilişerlär Gagauziya haklarına, lääzım konsultaţiya regionun hükümetin temsilcilerinnän.
«Sizin ellerinizdä var maasuz kanon. Ama yaparkana diişmekleri Seçimnär kodeksına, angıları ilişerlär Gagauziya haklarına, biz lääzım olacek bilelim, da biz lääzım kabledelim kolaylıı açıklamaz deyni kendi kararımızı hem da poziţiyamızı»,- Ormancı nışannadı.
GHT deputatın Georgiy Leyçunun laflarına görä, Apeläţiya palatası kabletti kararı, angısına görä bölüm — bölüm durguduldular seçimnerin datası, avtonomiyanın Merkez seçim organın azaları, hep ölä seçimnerin geçirilmesi, nasaat edilmiş MD Merkez seçim komissiyasının temsilcilerinnän. Kanondakı bölüm danıştı Üüsek dava palatasına.
«Biz hiç kayıl diiliz bu kararlan. O şindän sora bulunȇr Üüsek dava palatasında. Ondan karä, bizimnän yollandırıldı taa danışmak yalvarmaklan taa hızlı bakmaa aalaşmayı»,- Leyçu söledi.
GHT deputatı Sergey Zahariya çaardı GHT temsilcilerini olmaa deyni taa aktiv, kabletsinnär deyni diplomat poziţiyasını, buluşup Kişinöv kasabasının azaslarınnan, soruşta, angısı baalı seçimnerin geçirilmesinnän. O çizgiledi, ani pek önemni geçirmää onnarı belli edilmiş vakıtta, bakarak nicä erli kanonnarı, ölä da respublika uurunda normaları.
«Ne ilişeer kanonondakı iniţiativaya, yapmaa deyni dişilmekleri Seçimnär kodeksına, sayȇrım bunu dooru adım gibi. Benim bakışıma görä, biz bitkiyadan işlämedik — lääzım geçirmää dialog, onu çözülmesi için»,- Zahariya kendi bakışını açıkladı.
GHT deputatı Nikolay Dudoglo haberledi, ani GHT herbir işi bitki vakıtlarda taa sert, ne zorladȇr durumu. Onun laflarına görä, problemayı vardı nasıl ilinnetmää, er dialog Kişinövlan çekediydi taa ileri. Şindi sa taraflar bilunȇrlar ayırı bayırlarda.
«Cümnecilär bitki vakıtlar aktiv kaldırdılar bu temayı, argumentlerin çoyu dooruydular»,- Nikolay Dudoglo haberledi.
GHT deputatı Elena Ürçenko haberledi, ani iş gruppaların hem deputatların savaşmaları geçirmää dialogu türlü strukturalarlan vermedilär çıkışları, neçinki «kapular kalȇrlar kapalı».
«Bän çaarȇrım deputatları olsunnar açık kendi seçicilerin önnerindä. Te onnar, kim seçti Merkez seçim komissiyasını hem da durguttular parlament aralarında iş gruppasının işini, lääzım anansınnar kendi cevaplıını büünkü durum için avtonomiyada»,- Elena Ürçenko haberledi.
«Cümnedä bakılȇr ideya, geçirmää deyni deputatların hepsi uurların syezdını. Sayȇrım, ani GHT lääzım alsın iniţiativayı da geçirsin halklararası konferenţiyayı, teklif edip kompetent ȇkspertleri hem deputatları, angıları pay aldılar kanonun işlettirmesindä»,- Pötr Fazlı dedi.
Ormanjı Nikolayın laflarına görä, Gagauziya Halk Topluşun başın bir vakıda işini götürän, tabliţa nasaat edilmiş cümlelärlän MD Merkez Seçim Komissiyasına Seçimnär kodeksına № 325 sayıya koyuldu. Nışannanȇr, ani yarın bu dokument bakılacek cümnä selsemeklerindä ileri dooru bakılmak için.
Moldovanın hem Gagauziyanın en mekalı haberleri GRTnın Telegram kanalında!