Gagauziya Halk Topluşu prezidiumu çıktı danışmaklan, angısı baalı GHT seçimnerin gecirilmesinnän.
Gagauziya Halk Topluşun prezidiumun danışmasında, aprelin 3 — dän nışannanȇr, ani o kabledildi ondan sora, nicä vardı şindän sora danışmak avtonomiyanın seçimnär bölümündän.
GHT Prezidiumu: «Hak, angısı var sade Merkez seçim Komissiyasının öndercisindä kullanmak için finansları, angıları verili Gagauziyanın kanondakı bölümünnän, geçirmää deyni seçimleri, vermer kolaylık vakıtçasana çeketmää finanslamaa harçları seçimnär proţeslerinä, ne diil sade iisilder kolaylıkları geçirmää onnarı belli edilmiş vakıtta, ama var nasıl seçimnär hiç geçmesinnär dä».
Taa ileri avtonomiyanın seçimnär bölümün temsilcileri danıştılar Gagauziya Halk Topluşuna o üzerä, ani Devlet izmet Agentstvosu istämedi sayıya koysun Pötr Zahariyayı Gagauziya Merkez seçim Komissiyasının başın görevinä, angısı bakarak buna geçirämeyecek finans operaţiyalarını kurmak için hem geçirmäk için seçimneri. Gagauziya Halk Topluşun kararında nışanannȇr, ani danışmak, angısında belli bu momentlär, yollandıralacek avtonomiyanın erli kuvetlerinä. Devlet izmet Agentstvosunda nışannanȇr, neylän baalı geeri urmak sayıya koyulmasında.
Devlet izmet Agentstvosu: «Seçimnär bölümnerin sistemasına Moldova devletindä girer Gagauziya Merkez seçimnär nasaatı, ama diil struktura, “Gagauziya Merkez Seçim Komisiyası”. Bu sayılmȇr nicä terminologiya özellii, ama üridik norması, alıp esaba kanonun 244 statyasının 4 — cu punktunu, Seçimnär Kodeksindän, angısı doorudan zapeder kurmaa yada çalışmaa başka seçimnär kurumnara, angıları diil bakılı milletin seçimnär kanonunda, ondan sora nicä girdi kuvedä, nışannannȇr Devlet koşullar Agentstvosunda».
Devlet izmet Agentstvosunun danışmasında nışannanȇr, ani hep ölä, Pötr Zahariyanınn statusu Gagauziya Merkez seçim Komissiyasının başın görevinä Moldova devletin Merkez seçim Komissiyası kararlamadı.
Moldovanın hem Gagauziyanın en mekalı haberleri GRTnın Telegram kanalında!