Gimnaziya başarannarı gelän yıldan beeri ekzamannerini maasuz merkezlerdä,bakalavr şekilinä görä, vereceklär. Bu lääzım oldu, ki bu yıl sessiyada belli edildi türlü yannışlıklar, üüretim ministrusu Dan Perçun «Pe Agendă» programasında haberledi.
9-cu klasın üürenicileri başaran testlarını başka üüretim bakannıın uzmannarı notalamıyacȇklar. Onnar merkezdä bakılacȇklar, ki Ministirliktä olsun kolaylık göz altına durumu almaa, olmasın deyni türlü yannışlıklar erideki uzmannarın tarafından, Noi.md nışanȇȇr.
Gimnaziya ekzamennerin proţedurası sertleşecek,cünkü bu yıl belli edildi çok türlü kanona karşı gitmäk. Kimi okullarda ekzamen online formatında geçirildi, kimi erlerdä dooru notaları koymamışlar, onnar taa üüsek, nekadar lääzımdı olsun.
Ministru Dan Perçun haberledi,ani Moldova Devletin gimnaziya ekzamenneri hiç bir sıra da dooru geçirilmedi, yoktur notalar 100% obyektiv koyulduu. Onun laflarına görä bu belli oldu ozaman, açan Halklararası üürenicilerin nota hem başarları programası (PISA) kendi rapordunu açıkladı hem tiparlandı ekzamennerin notaları,onnarın aralarında büük fark vardı.
«Şüpelendirer, açan görersin ,ani 100% islää ekzamennerini verdilär,ama hep bu vakıt uşakların 50% -di PISA matematika testini yapamȇrlar», — sayȇr Dan Perçun.
Kuvetlär bekleerlär,ani 9-cu klasların üürenicielri veräbileceklär ekzamenneri halizdän ii notalara.
«Biz laf açtık 9-cu klaslar için, diil BAK ekzamenneri için. Sayȇrız,ani her bir vatandaşta lääzım olsun temel becermeklär»,- söleer Dan Perçun.
Bu yın 3000 üürenicidän zeedä enidän gimnaziya ekzamennerini vererlär. Onnarın yarısı matematikada ekzameni verämedilär, onuştam merkez kuvetlär 6 bin uşaa deyni matematika kurslarını ödeyeceklär, ki onnar islää uurda ekzamenä hazırlansınnar.