Çadır kasabasında «Halk ustaların günü» geçti — yaradıcılık hem adet yortusu. Olay topladı devletin türlü köşelerindän en ii ustaları.
Yarmarka-sergi, angısını hazırladı hek geçirdi Gagauziyanın «Halk ustaları» birlii topladı masterları Pridnestroviya regionundan, Komrattan, Kişinövdan, Kauldan, Başküüdän, Çadırdan hem Taraklıdan. Taftada yaratmalar, adetçä dikişlär, keptarlar hem taa başka halk zenginniklerini burada gösterdilär — hepsini bunnarı vardı nicä görmää hem beendiini satın almaa.
«Bän Kauldan geldim, teklif ettilär beni burayı benim dostlarım. Ilk keret Çadır kasabasında bulunêrım, saa olsunnar, ani çaardılar. Antikvariat eski işlärlän zanaatlanêrım,pek severim bunu. Burada pek islää insannar yaşêêrlar».
«Bän pensiyada, kendi sevdii işimnän zanaatlanêêrım, bu bana çok sevinmelik getirer. Insannarı sevindireriz kendi işimizlän, herbir yortuya çıkêrız, bu kasabanın gözellii herbir yortuda pay alêrız».
«Bän taftada resimneerim- benim baş bölümüm — rus ornamentleri hem matröşkalar, getirdim büün onnarı, eni yapılan işlerimi. Bununnan zanaatlanêrım 20 yıldan zeedä, burayı gelerim artık 7 yıl, gerzaman sıcak lafları işiderim serginin musaafirlerindän hem ustalardan da».
«Bän zanaatlanȇrım bu işlärlän, zerä kendim dä var beygir,her keret lääzım bir teerbi — kopȇr — lääzım dikmää. İşleerim 20 yıldan zeedä, bu sergilerä var 10 yıl».
Bu olayın baş nieti — halk masterlarına destek olmaa hem korumaa, ilerletmää halk bilgilerini becermeklerini, nışannadı Gagauziya «Halk ustaları» birliin başı Nikolay Kroytor: «Ustalar aaz, neçin ki onnar te o ustalar,kim kaldı da kendi işinnän savaşȇrlar göstermää, ani bu zanaat o taa ölmedi. Вырезать – bunu lääzım korumaa hem lääzım ilerletmää hem lääzım bu işi, ani biz göstereriz – sevmää. İsteerim sölemää, ani unudulmasın ustalık».
Yarmarkaya geldi istoriya doktoru Pört Paşalı. O urguladı, ani bölä sergileri pek önemni geçirmää — bu bir pek ii kolaylık göstermää genç evlad boylarına nekadar zengin hem gözäl bizim halkımızın adetleri.
«Kulturasız halk yok. Bizim da halk o kulturaların arasında bulunȇr, o halkların arasındaţ Da biz bizim kulturamızı lääzım gösterelim insana, unudulmasın – bu bir, ikinci da torunnara bu işlär geçsin da onnar da bilsinnär. İnsannar da bola sergilerä katıldıynan görerlär bu islää işleri, var kolayı alsın evä – bu sergilär onemni»- Pört Paşalı urguladı.
Yarmarka-serginin sınırlarında en ii halk ustaları kablettilär ödülleri ki zenginnederlär hem ilerlederlär adetleri.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!