Dinnenmäk günnerindä, Valkaneş kasabasının merkez meydanında halklararası dostluk festivali geçti. Kurucular türlü meraklı olayları hem konţert programmasını hazırladılar.
Meraklı konţert programası Gagauziyanın şannı artistlerinnän, konkurslar, baaşışlar, Baamsız devletlerin Birliin bir sıra imekleri. Hepsi bu hazırlandı Valkaneş kasabasının yaşayannarına hem musaafirlerinä deyni. Herzaman umut hem destek her bir insana verän aylä adetlerinä baalı dostluk festivali geçti. Bu yılın simvolu- aylä, Gagauziya Başkanı Evgeniya Guţul nışannadı.
«Bän isteerin nışannamaa, ani bu yılın simbolu— aylä, ki bizim uşaklarda olsun ana, boba, mali, dädu. Çok önemni, ani biz birliktä olalım, bakmayarak, angı daartışmaklar var aramızda, gagauzlar her zaman birliktä yaşȇȇrlar»,- Gagauziya Başkanı Evgeniya Guţul söledi.
Moldova Parlamenti deputatı Aleksandr Suhodolskiy nışannadı, ani aylä-o en önemli ne var insanın yaşamasında.
«Büün var nicä göräsiniz, ani burada var türlü devletlär, Russiya, Kirgiziya, Belarusiya, Kazahistan, Armeniya, onnar hepsi girer Evraziya Baamsız devletlerin Birliinä. Bu halkların yaşayannarına deyni, aylä- o en önemni ne var insanda. Aylä- o önemni bir pay bizim yaşamamızda»,- Aleksandr Suhodolskiy nışannadı.
Halklararası dostluk festivali, angısı baalıydı aylä adetlerinä, Valkaneş kasabasından kaarä geçti Taraklı, Orgeev, Belţı kasabaların merkez meydannarında.