Haydar küüyündä yaşayannar Prost olmak yortusunu nışannadılar. Oluş konţerttän başladı. Küülülär musaafirlärlän birliktä merkez parkında toplandılar kışı geçirmää, ilkyazı da karşılamaa.
Kış zamanını geçirmäk yortusuna Haydar küüyün yaşayannarı akıtmaları hem kıırma pişirdilär. Simvollu ateş yakması, halk türküleri, horu ateşin dolayanında – bu o şennik, angısı yortunun özünü kurdu.
«Prost olmak – o şennik hem kısmet yortusu. Burada aylelärlän toplanȇrız, ateşi yakȇrız da onun üstündän atlȇȇrız».
«Yortu, angısı şenniktä geçer. Artistlerimiz konţerti kurdular».
Konţert programasını erindeki yaradıcılık kolektivleri hem yortunun musaafirleri kurdular. Sţenadan halk türküleri ötärdilär, körpä artistlär siiredicileri yunnarlan sevindirdilär.
Haydar küüyündä Prost olmak yortusun adetlerini büü dä küçüü dä sayȇrlar. Büüklär gençleri adet sıralarını üürederlär geçirmää. Kultura varlıı böleliklän evlad boyun hem büüklerin arasında ilerleer.
İlya Kiösä Gaydar küüyü primarı: «Butakım oluş küüyümüzdä seftä geçireriz. Umut ederim, ani ileriya dooru hepbir yortuyu hep butakım nışannayacez».
Yortuyu ateş yakması simvol, angısı kışın bitkisini gösterer. Gaydar küüyün yaşayannarı belli ederlär, ani butakım yortular insanı birleştirer.
Moldovanın hem Gagauziyanın en mekalı haberleri GRTnın Telegram kanalında!