Avtonomiyada bücet hem da soţial kurumnarını kış zamanına hazırlamaa başarȇrlar. Hepsi soruşları soluun temperaturası iisilärsäydi hem da komunal tarifleri üüselärsäydilär Gagauziya Bakannık komiteti aldı kontrolä. Onnar baalı yısıtmak, energiya hem yaşayannarı soţial uurunda tutturmasınnan.
Düşmüş yapraklar erä getirerlär aklımıza, ani güz zamanı biter, onunnan barabar sa hazırlanmaklar kış zamanına çıkȇr doorudan finişa. Gagauziyada başarȇrlar kontrol etmää kotelnalartı, yapıları kaplȇȇrlar hem da hazırlȇȇrlar tehnikayı suuklar için. Ayırı esaba alınȇrlar saalı — koruma hem üüretim obyektleri. Soţial kurumnarın hazırlamaları bitkiya yaklaşȇr. Bunun için haberledi Gagauziya Başkan işleri bakanı İvan Kolioglo: «Önemni akţent yapılȇr ona, ki hepsi bizim soţial kurumnarın olsun kolaylıkları işlesinnär kış zamanında. Hazırlandılar kotelnalar, kontrol edildilär yısıtmak sistemaları».
İvan Kolioglunun laflarına görä, bu ölçülär olaceklar çok vakıtlık strategiyanın bir payı, ki Gagauziya büjet hem soţial sferaları çalışsınnar güz — kış zamanında. Soţial obyektlerin hazırılmasına girer rezerva energiya vermäk sisteması da.
«2022 — ci yıldan sora, çoyu soţial kurumnarında var kendi generatorları. Zamandaşta, bütündän var elektroȇnergiya sızıntıları regionun hepsi medik kurumnarında. Üüretim kurumnarında, bu proţes ilerleer, yıl — yıldan material — tehnika bazası taa ii olȇr»,- nışannadı Kolioglo.
Ayırı esaba alınȇrlar kotelnalar, angıları işleerlär çetin yakacaklan — pelletalarlan hem da samannan. Bakmadaan ona, ani bu obyektlerin sayısı az, yakacakların satın alması koyulu plana.
«Bizdä kotelnalar gazlan. Kimi avtonom kotelnaları sindın sora çalışȇrlar. Komrat kasabasında, hep ölä çeketti kendi işini sışcäk verän kurumu — sıcak etişti rayonun bolniţasına hem da birkaç uşak başçasına»,- dedi Kolioglo.
Bunnardan kaarä, kurumnarın öndercilerinä nasaat edildi kontrol etmää finans resursların sayısı, ki vakıdında ödemää ȇnergiyayı. Haberlerä görä, büünkü günnerä, borçlar bıldırkı yılın yısıtmak zamanı için yok. Ayrı esaba alınȇr soruş, angısı baalı yol kurumnarın hazırlamalarınnın kış zamanına. Onnara nasaat edili öncä bakmaa tehnikanın hazırlamasını.
Moldovanın hem Gagauziyanın en mekalı haberleri GRTnın Telegram kanalında!