Hükümet belli edecek kriteriyaları, angılarına görä aylelär kablederlär yardımı ödemäk için harçları yılın kış zamanında. Hükümet neetlener esaba almaa diil sade ofiţial deklaţiyaya görä gelirleri, ama varlıı da — bu evlär, kvartiralar, avtomobillär, banka depozitları hem das gelirlär devidentlardan. Bunun için haberledi MD Premyer — ministrusu Vasile Tofan hükümetin oturuşunda, angısı geçti sentäbrinin 2- dä, açan ministru kabineti kabletti dorutmakları devlet bücetin kanonuna. Kompensaţiyalara bücetta koyulu 550 million ley. Taa derindän süjetimizda.
Moldova devletin premyer — ministrusu Vasile Tofan açıkladı, nicä lääzım annamaa sayıyı 550 million ley, angıları bakılı kompensaţiyalar için yılın kış zamanında. Bu paralar koyulu 2026 — ci yılın devlet bücetinä. Bu sayı diil lääzım pay edilsin kış zamanın herbir ayına, ama saymaa ani o bitki, genä diil lääzım — hükümet annaşȇr partnörlarlan eklemää deyni taa finansları. Kompensaţiya hem da esaplamak forması haberlenecek taa sora.
VASİLЕ TOFAN MD Premyer — ministrusu
«Ki siz annayasınız sayıyı. 2022 — 2023 — cu yıllarda bu kompensaţiyaları kullandılar var nasıl sölemää, ani hepsi aylelär. 900 bin danışmaktan yardımı kabletti 895 bin kullanıcı. Bitki sezonda, 2025 — ci yılda yakın 621 ev. Var nasıl sölemää, ani 75% insan, angıları verdilär danışmaklarını, kablettilär bu yardımı. Şindi sa bizim davamız, nicä hükümetin onda, ani kimä lääzım bu yardım kabletsinnär onu”.
Baş kriteriy kompensaţiyanın verilmesindä kalȇr evin gelirleri. Hükümet kontrol eder herbir aylenin gelirlerini, angıları vererlär danışmaklarını.
VASİLЕ TOFAN MD Premyer — ministrusu
«Hep bu vakıt, o üzerä, ani biz cevaplı devlet paraları kullanerız, biz lääzım ölä yapalım, ani insan, angıları diil kolaylıksız, fukarä, bu paraları kabletmesinnär, neçinki bizim kriteriy baalı gelirlärlän. Var insannar, angıları işleerlär diil legal, var ikişär maşinaları hem da büük evlär, angılarında ofiţial gelirlär pek iısik, da bu insannar da kablederlär kompesaţiyayı».
Moldova devletin premyer — ministrusu Vasile Tofan verdi izin iş hem soţial koruması ministruya Plugaru Natalyaya notalasın aylelerin para uurlarını.
VASİLЕ TOFAN MD Premyer — ministrusu
«Örnek gibi, insanda zengin evi varsaydı, varsaydı avtomobillär, yada banka depozitları -bu kriteriyaların çoyu kullanıldılar geçän yıllar, şindi sa biz yapacez onnarı taa sert hem da genişlettik, ki paralar etişsinnär o insannara, angılarına onnar mutlaka lääzım».
Geçän yılın kış zamanı için devlet belli etti 2 milliard 340 million ley.