Komrat muniţipiyasında geçti ilk hip-hop battl,angısına Moldovanın 11 kasabasından 300- dän zeedä genç sportçuları geldilär.Oyun yarışmanın neeti için hem özellii için,gençlerin kultura ilerlemesi için süjetta.
300-dän zeedä sport oyuncuları Komratta ilk hip –hop battl yarışmasında pay aldılar.Geniş programa ,kızgın atmosfera bu yortulu olayı Gagauziya kultura yaşamasında unudulmaz yaptı.
Sergey Anastasov Komrat muniçıpiyasının primarı, söledi: «Sevineriz,açan bizdä geçirerlär bu uurda olayları.Sevineriz insannara, angıları açtılar sport –oyun studiyasını ,hem bu uurda çalışȇrlar.Biz her zaman onnarı tutturacez».
Stepan Kara Komrat primar yardımcısı: « Biz her zaman yardım ederiz geçirmää sport olaylarını. Bakȇrız taa yakın olmaa sportçulara da desteklemää gençleri »
Unudulmaz atmosferayı ilk hip-hop battl yarışmasında pay alannar, analar –bobalar hem musaafirlär kurdular .
«Pek beendim bırasını.Neetlenerim taa gelim. Biz –analar-bobalar uşaklarımızı tutturerız.Kızım çoktan oünnarı üürener.Biz herzaman bütün ayläylän geleriz yarışmalara onu tutturmaa».
«Sevineriz, kahırlanȇrız,dalgalanerız. Pek meraklı bakmaa».
«Bän isteerim ,herkezi gelsin hip –hop derslerinä.Sizdä da ölä kef olsun ,nasıl bendä ».
Yarışmanın sırasında oyun master -klası da geçti,angısına Gagauziyadan 200-dän zeedä uşak katıldı ,söleer oyun studiyası baş treneri hem hip-hop Battl yarışmanın kurucusu Andrey Lira: « Hip-hop kulturasını gençlerä deyni ilerletmää bizim ön davamız.Uşakları üüretmää hem terbietmää.Biz hodullanerız,ani Komrat muniţipiyasına okadar çok insan geldi,angıların başarları pek üüsek».
İlk hip –hop battlı Komratta belli eder,ani regionda gençlerin kulturası aktiv ilerleer hem devletin evlatlarını birleştirer.
Moldovanın hem Gagauziyanın en mekalı haberleri GRTnın Telegram kanalında!