İlkyaz gelmesini Gagauziyada Marţişor konţertınnan nışannadılar.Festival adlandı «Düz-Ava» ansamblisinin öndercisinin yıldönümünä. «Maestru în Artă» Tatiyana Şögoleva duuma gününü kolektivinnän hem publikaylan nışannadı.
Konţertta pay aldılar «Düz-Ava» Gagauziyanın türkü hem ouyn ansamblisi ,Başkanın üflemä orkesrtusu, «Ȇlegiya» kemença ansamblisi, Gagauziya şanlı artistleri Pötr Petkoviç Vitaliy Manjul hem genç türkücuyka Tatiyana Mitioglo. Sţenada sevgili muzika kompoziţiyaları hem kutlamaklar Maȇstru Tatiyana Şögolevanın adına öttülär.
«Tatiyana İvanovna, siz bir gözal örnek evlat boyuna. Nesoy lääzım bilmää kendi halkını,kulturasını,dilini,tırküleri,muzıkayı! Büün Tayana İvanovna çok kuvet koyȇr evlat boyları dooru terbiedilsin, orkestruda insan zeedelensin.Bän ilderim başımı,da deerim –saa olun! Uzun ömür sizä!»,- dedi Marina Semönova, kultura bakanı.
«Siz gözäl iş yapȇrsının.Gagauziyayı dünnedä üüsek uura kaldırȇrsınız.Gözäl anaysınız,akıllı üürediciysiniz, çok şanlı anılmış insan Gagauziyanın tarihindä kalacȇnız»,- nışannadı Sergey Zahariya, KDU rektoru.
«Sizin talantınız, çalışmalarınız, sevginiz muzıkaya- örnek evlat boylarına. Bakmayrak zorluklara ,angılarını kollektiv geçti bu yılların içındä siz giriginniklän kolektivi korudunuz. İnanȇrım,ani ileriya da bizi çok meraklı yaratmalar proektlar bekleer»,- nışannadı Viktor Gradinar.
«Ömürümä şükürüm,anı sizinnän tanıştım. Çok sıra vardı sţenalarda barabar çalıştık.Siz herzaman yardımcı oldunuz bana. Ta çok iilik yapın,sevin muzıkayı hem herkezinä onu başlayın»,- söledi Pötr Petkoviç, Moldova şannı artisti
Şannı kultura zanatçısını «Maestru în Artă» Tatiyana Şegolevıi duuma gününnän Gagauziya Başkanı Evgeniya Guţul kutladı hem verdi«M Çakirın» ordenını.
«Düz-Ava »ansamblisi çok yıl sıravardı sevindirer bizi. Sizin hatırınızlan çalışmalarınız başarlı. Siz bildiresiniz Gagauziyayi dil sade Moldovada, ama aşırıda da. Şükür ederim o büük işlär için,angılarını yapersiniz bizä gagauzlara»,- çizgiledi başkan.
«Şükur ederim, ani ölä üüsek notaladınız benim çalışmalarımı.Bu üüsek ödül bütün kolektivä deyni. Hepsinä memnunum. Bu nışannȇȇr, anı ileri lääzım gitmää, ta da üüsek uurda çalışma.»
Konţertın sırasında Tatyana Şögoleva üredicilerina Semön Pometkoya hem İon Bassa türküyü bulgar dilindä başladı.Bu türküyü herkezi beenärdi Semön Pometkuyu ,İon Bassı.Benim saygımı onnara istedim gösterim. Dalgalandım»,- nışannadı Şögoleva.
Tatiyana Şegoleva –muzikacı, üüredicı, Moldovanın şannlı «Düz-Ava » türkü hem oyün ansamblisinin başı, «Maestru în Artă» Gagauziya şannı kultura zanaatçısı.
Avtor: N. Jelezova, operator: V. Kıssa, montaj : M. Kazaku
Moldovanın hem Gagauziyanın en mekalı haberleri GRTnın Telegram kanalında!