8 infrastruktura proektinä Gagauziya bakannık komiteti verdi 5,7 million ley. Onnarın arasında Dezginca küüyündä 300 erä kultura evin düzülmesi, su hem kanalizaţiya baalantıların düzülmesi Ferapontyevka hem Svetlıy küüyülerdä.
Alarak esaba danışmakalrı dokumentlärlän barabar publik kurumnardan hem erindeki kuvet organnardan GHT kararına kapital investiţiyaların pay etmesi 2025-ci yılda diişilmeklär giriştirildilär. 8 infrastruktura proekti için bakılerlar finanslar. Başkan hem bakannık komitetin işlerindä bakannın başı İvan Kolioglo temsil etti proektları regional uurunda. Onnarın arasında Komrat regional stadionun proekt- smeta dokumentlerin hazırlaması.
«Laf gider proektlar için eni yapıların düzülmesi için boş erlerdä stadionun yanında. Bu neetlerä 500 bin ley veriler»,- dedi Kolioglo.
Verildi para boks için salanın proektinä hem kapital düzmesinä. Burayı erindeki sportsmennär gezerlär.
«Bu sala buluner gençlerin hem sport işlerindä bakannıın yapısında, angısı sovet vakıtlardan düzülmedi. Parasının sayısı kurer bir million 250 bin ley»,- nışannadı İvan Kolioglo.
Komrat kasabasının Regional istoriya dolay muzeyin kabinetın remonduna, pençerlerin diiştirmesinä hem örtünün düzülmesinä bakıler 900 bin ley, nışannadı İvan Kolioglo. Stepan Topal adına muzey için hep verildi para proekt smeta dokumentlerin hazırlaması için hem yapı düzülmesi için.
«Hepsimiz bu muzeyi bileeriz. Orada keremet örtüsü, remont lääızmdı taa yapıya aldıynan. Bilim- aaraştırmak merkezi kendi kuvedinä görä biraz düzdü, ama geldi vakıt taa derindän işleri yapmaa. Bunun için teklif ediler vermää 150 bin ley. Kultura evin 300 erä yapılması Lenina sokaanda Dezginca küüyündä. Bu küüyüdä kultura evin yapısını daatılalr kötü durumun beterinä. Sora temeli koydular. Şindi proekti ilerletmää lääızm da lääzım 1 million 437 bin ley»,- urguladı Kolioglo.
Peydalandı lääzımnık su hem kanalizaţiya sistemaların düzülmesindä avtonomiyanın küüyülerindä urguladı İvan Kolioglo: «Var danışmakalr erindeki kuvetlerdän Ferapontyevka küüyün Gagarina sokaanda su hem kanalizaţiya sistemasını düzmää. Bu 214 bin 340 ley. Hep ölä Svetlıy küüyün Lenina Gagarina sokaklarda kanalizaţiyayi düzmää. Teklif ediler bu neetlerä 264 bin 700 ley. Kirsovo küüyün kuvetleri danıştılar yapmaa skvajinayi Übileynaya sokaanda. Teklif ediler bu işlerä bir million 20 bin 960 ley vermää»
Bütündän kapital investiţiya sayısı 8 proekt için kurer 5 million 737 bin ley. Kararı kapital investiţiyaların pay etmesi 2025-ci yılda diişilmeklärlän GHT bakmaya hem kabletmeya dooruttular.
Moldovanın hem Gagauziyanın en mekalı haberleri GRTnın Telegram kanalında!