Kazayak küüyündä insannar kendi umutlarını baalalȇrlar ii diişmeklärlän. Onnar taa sabaaktan seçimnerä çıktılar, ki kendi sesini bunun için vermää.
Seçim proţesini gözlederlär 4 konkurentin temsilcisi.
«Umut ederiz usluluk olsun. Uşaklar evdä olsunnar. Pensionerlär yalnız kaldılar. Sokaklarda ne uşak, ne gençlär yok. Yazık, ani büüttük onnarı».
«Seçerim, ki hepsinä olsun islää, hem büüklerä, hem küçüklerä».
«Umutlanȇrız, ani yaşamak diişecek. Ko hepsi islä olsun».
«Umutlanȇrız, ani islää yaşayacez».
«Allahın yardımınnan beki olacek bizdä dä, nicä başka erlerdä».
«Görecez, kim kalacek islää yapsın hepsinä».
«Bekim yaşamak islää olacek».
«Saysınnar insannarı. Ko bütün Moldovada hepsi ii olsun».
Bu vakıdadan seçimnerdä pay aldılar 139 seçici hem 13 insan eklenti listelerinä görä.
Tatyana Buyuklı 36/39 seçim bürosu başı, Kazayak küüyü: «Bu vakıdadan hepsi ii. Yok kanona karşı gitmeklär. Saat 10 mobil urnasını yolladık, ki insannar evdä seçsinnär. Bölä kararı kablettik, çünkü pek çok danışmamız var. 95 danışmak geldi. Bizim yaşamak erimiz pek büük, bu üzerä barabar poliţiya işçilerinnän bunu yapȇrız. Teklif ettik konkurentlerin temsilcilerini dä bizimnän gitsinnär, ama onnar istämedilär».
Kazayak küüyündä sentäbrinin 28 işleer iki seçim dolayı.
Moldovanın hem Gagauziyanın en mekalı haberleri GRTnın Telegram kanalında!