Komrat kasabasının yaşayannarı söleerlär, ani kasabada verilän su hlorkaya kokȇr, su krandan yaz vakıdında yavaş akȇr, yada hiç yok. Yazın gelmesinnän bu problema şüpelendirer i̇nsannarı.
«Diil çoktan suya hlorka koydular , 2 sıra yılda hlorkalȇrlar suyu.Gecä hiç yok su , kapȇrlar yada biter, bilmeerim .Sabaaylen pek yavaş akȇr, saat 4-tän hiç yok su».
«Pek siirek ,açan su sisteması kırılȇr , var nicä kapatsınnar».
«Olȇr , ani hlorkalȇrlar suyu , ama söleerlär yaşayannara».
«Yazın , açan serpeerlär başçaları , kapatȇrlar suyu .Bän sanȇrım , ani sıraylan sündürerlär , zerä kızım yaşȇr başka rayonda , onda var nicä olsun , bendä var nicä olmasın».
«Hlorkalȇrlar , açan profilaktika yapȇrlar».
«Şindi su krandan akȇr , ama yazın başka aylarında taa yavaş , da olȇr problema».
Komentariy için biz SU-Kanala danıştık , ama bu kuruluşun öndercisi istämedi cuvap etmää.
Her yıl Komratta iki sıra yılda hlorkalȇrlar suyu kranda , bu olȇr plana görä , söledi Komrat Cümnä Saalık merkezi doktoru Elidia Kıssa: «Tutȇrız su sistemasını bölä uurda, nesoy lääzım olsun , ki peydalanmasınnar türlü infekţiyalar. Alla Korusun bundan. Herzaman bizim planalarımızda var su dezinfekţiyası- bu kanona görä hem var sanitar reglamentlerindä».
Bundan kaarä birkaç kerä yılda bu kuruluşun nasaatına görä bu proţedurayı genä yapȇrlar.
«Bän içerim kaynak su hem şişelerdä satılan suyu.Bundan yapınız çıkış,ani su bizdä diil pek islä».
«Dil herzaman pak su , bulanık, sarı gider. İçeriz pınardan».
«Su bizdä pınarda, o durȇr orada hem sora biz onu içeriz .Bän sanȇrım , ani sıradan krandan diil lääzım içmää».
«Taa çok kolonkadan. Su var evdä hem biz taa çok içeriz oradan».
«İçerim suyu krandan , filtrasız, su pak».
«Skvajina bizdä var hem ordan gider su , ama bän koyȇrım filtr, kim biler, naşey var nicä olsun».
Moldovanın hem Gagauziyanın en mekalı haberleri GRTnın Telegram kanalında!