Anılmış gagauz yazıcısının Todur Zanetın anası İvanna Dmitrievna Zanet Çakir ordenını kabletti. Bu üüsek ödülü ona Gagaiya başkanı Evgeniya Guţul verdi büük zaametlär için gagauz dilin ilerlemesindä.
Bu yıl İvanna Dmitrievna 95 yaşında olacek. O Kongaz küüyün büük yaşta yaşayannarın birisi. Onun eceli zordu, çok zeet çekti. Bunun için o Gagauziya başkanına Evgeniya Guţula annattı.
«Bir insan 95 yaşında, ama çok saalıklı, bakımlı hem çok düşüner nicä 60 yaşında insan.İsteerim sölemää hem duva etmää ki bizdä her bir insan dil sade avtonomiyamızda, ama Moldovada da yaşasınnar 95 yaşına kadar da bölä durumda olsunnar nasıl İvanna Dmitrievna»,- nışannadı başkan Evgeniya Guţul.
İvanna DmitrievnaZanet aktiv yardım edärdi kendi ooluna Todur Zaneta hazırlamaa hem kurmaa altı tomnuk gagauz-rus sözlüünü ne oldu bir adımnan ana dilin korumasında hem ilerlemesindä, Başkan Evgeniya Guţul nışanandı: «O insan kuvet verdi, bilgi verdi, ani bizim gagauz dilimiz yaşasın,lafları, angıları eski, ama biz onnarı unuttuk. Çok söledi da Todur Zanet kendi 6-tomnuk sözlüünä onun laflarını koydu».
Kendi sırasında İvanna Dmitrievna şükür etti Başkanı kutlamak hem ödüllemäk için.
«Uzun ömürünüz olsun, gözäl kısmet olsun. Alla sizi koorusun herbir beladan, duşmandan, herbir hastalıktan. Da Allahın kuvedinnän, saalıklan işläyin da kazanın.Uzun ömürünüz olsun, gözäl da kısmetiniz olsun»,- diledi İvanna Dmitrievna.
Moldovanın hem Gagauziyanın en mekalı haberleri GRTnın Telegram kanalında!