GRT CK jurnalistleri gagauz dilin ilerlemesinä her gün çalışȇrlar. onnarın birisi Alöna Terzi. Bu insanın yaşamasında Ana dilin eri için süjetimizdä.
Jurnalist Alöna Terzi emin, ani sevgi Ana dilinä kendi köklerinä saygıdan çekeder. Programaları hem haberleri Alöna gagauz dilindä götürer, zanaatında ona deyni en önemli — halkın kulturasına sevgi. Jurnalist annattı, neçin işi — ömürün maanası.
«Haberleri, programaları her gün hazırlȇȇrız. Cümnä kompaniyanın korespondenti olarak, ilk erä herkerä gagauz dilindä programaları koyȇrım. Sayȇrım, ani bu herbir çalışana deyni önemli, zerä gagauz dilindä çıkan haberlär, programalar başka bir da kanalda dünnedä çıkmȇȇrlar. Biz tek kompaniya, angısı gagauz dilindä kontent çıkarȇr»,- nışannadı Alöna Terzi.
Terzi Alönayı kolegaları sayȇrlar işinä vergilii için. Jurnalist Svetlana Dimitroglo, angısı Alönaylan çok yıl işleer, söleer, ani butakım insannan var havez zanaat uurunda büümää hem ilerlemää. Herbir haberä, herbir programaya Alöna kendi payını verer hem bunu kolektivin herbir çalışanı duyȇr.
«Sevgi Ana dilinä özel. Gagauz dilindä o selemneşer, tükennerdä, bizimnän, uşaklarınnan lafeder. Büük saygıylan kolegama danışȇrım hem hodullanȇrım, ani onunnan birerdä çalışȇrım»,- çizgiledi Svetlana Dimitroglo.
GRT kompaniyasında jurnalist Alöna Terzi 18 yıl çalışȇr.
Moldovanın hem Gagauziyanın en mekalı haberleri GRTnın Telegram kanalında!