«Jurnalistlerin koruması hem hakları. Ombudsmen institutun rolü» -seminarın temasıydı, angısı geçti Komratta presa izmetin temsilcileri için.
Jurnalistlerin koruması hem hakları. Ombudsmen institutun rolü haberleri kabletmesindä hem laf serbestliindä önemni diil sade jurnalistlär için, ama cümnä için dä, yaşarkana zamandaş dünnedä, neredä diişilerlär standartlar, hem paalılıklar, ama laf serbestlii hem kendi bakışın açıklaması kalȇr. Halk advokat ofisi tanıştırdı jurnalistleri kendi işinnän hem davalarlalan, angılaırnı onnar yapȇrlar, neçin ki onnar lääzım presa izmetlerin işini kontrol etsinnär hem monitoring geçirsinnär, haberledi Komratta halk advokat ofisin temsilciliin başı Svetlana Mironova.
«Halk advokat ofisi, halk advokatı lääzım laf serbestliini hem haber kabletmesini insana hem jurnalistlerä taa uygun yapsın»,- Svetlana Mironova söledi.
Bitki vakıt, Halk advokatın afisi belli etti birsıra problema, jurnalistlerin hem presa izmetin işindä, dä kuvetlerä rekomendaţiya verildi, ki laf serbestlii hem haber kabletmesi taa uygun olsun, nışanandı Svetlana Mironova.
«Devlet organnar, kabledärkänä nesoy sa kararı lääzım yapsınnar dünnäarası aspektlarını hem standartlarını – türlü presa izmetlerin işini var nasıl sade dava sınırlasın. Kalana hepsinä lääzım maana olsun»,- ekledi Mironova.
Jurnalist lääzım işlesin etika normalarına görä, angıları deontologiyä kodeksindä yazılı, ama devlet lääzım kursun adȇkvat hem ii koşulları iş için, neçin ki presa izmeti insan için çalışȇr, nışannadı Moldovanın presa sovedin başı Viorika Zahariya. O urguladı, ani jurnalistlär lääzım bilsinnär, ani onnarda var haklar haber kabletmesi için.
«Hem taa onnar lääzım bilsinnär, ani halk advokatta var haklar yardım etmää jurnalistlerä kendi haklarını korumaa, açan yannışlıklar yada bozulmaklar olȇrlar hem diil sade bunda. Te bu haberi biz jurnalistlerä etiştirelim lääzım»,- dedi Viorika Zahariya.
Diil herzaman jurnalistlär bilerlär nereyi danışmaa lääzım, ki haklarını korumaa, bunun için Halk advokat ofisi bu proekti yapȇr, ki presa izmetin temsilcilerini tanıştırmaa metodlarlan hem kolaylıklarlan kendi haklarını korumaa deyni, annattı Halk advokat ofisin uzmanı Svetlana Rusu.
«Nereyi danışmaa, nicä yok etmää türlü yaptıkları kuvetlerin tarafından hem başka kişilerdän, angılar jurnalistlerin işinä köstek koyȇrlar»,- annattı Svetlana Rusu.
«Jurnalistlerin koruması hem hakları. Ombudsmen institutun rolü» temaya görä seminar jurnalislär için geçecek Belţ hem Kişinöv kasabalarında.