İyül ayın 6-da Çadır muniţipiyasında Kaldırılmış insannarın anmak günü geçti. Muniţipiyada bu olay, geçiriler 2003 yıldan.
Orak ayın 6-da 1949 yılda çeketti «Üülen» operaţiyası, angısının süresindä Bessarabiyadan Sibirä yollanıldı 35 bin kişi. Bu binnärlän insanarın yaşamasını diişdirdi. Aaraştırıcılar büün taa açêrlar o vakıdın kara sayfalarını. Kaldırılmış insannarın evlat boyları sayer, ani bir zaman, dill läzım unudulsun o çirkin istoriya sayfaları. O insannarın birisi Vladimir Kapacı büük acıylan getirdeer aklısına o vakıtları.
«Elbetki, bän hepsini uşaklarıma da annattım, ki bilsinnär. Burada, anmak taşında benim büük kakun soy adı da var, o pek talatlı bir insandı»,- söledi Vladimir Kapancı.
Erli kuvetlär, musaafirlär hem kasabanın yaşayannarı, mum yakarak, çiçek koyarak anmak taşın yanında, andılar kaldırılmış insannarı. Pay aldı mitingta GHT başın yardımcısı Georgiy Leyçu.
«Dooruluk» assoţiyaţiyayanın başı Svetlana Kapancı nışannadı, ani yıl-yıldan taa çok insan geler pay alma bu takım mitingta, sayma o inasannarı.
«Her yıl biz toplanȇrız, geler insannar diil sade Çadır dolayından, ama başka rayonnardan da. 2006 yılda burada koyuldu anmak taşı, nereda yazdık Çadır rayonun yaşayannarın atlarını, kim kaldırıldı, da geçindi aşırıda. Anȇrız o insannarı. Kim geçirdi bizim halkın hem bütün Moldova halkın çirkin istoriya sayfaları»,- «Dooruluk» assoţiaţiyasının başı nışannadı.
İyül ayın 6 nda , devletin dolaylarında indirdilär devlet bayrakları, kaldırılmış kurbannarın anmak taşlarına çiçek koyuldu.