Oktäbr ayın 28- dän noyabr ayın 3-dän üürenicilär dinneneceklär. Kanikullar 9 gün sürtecek. Dinnenmäk vakıdın süresindä Hatalı olaylar regional bakannıı getirder anaların-bobaların akıllarına, ani onnar lääzım annatsınnar uşaklarına korunmak kuralları için, alarak esaba onu, ani onnarda taa çok serbest vakıt olacek, da uşaklar evdä yalnız kalȇrlar. Bu vakıdın içindä dikkatlı olmaa lääzım, ateşi kullanarkana, haliz sobaları yakarkan hem türlü elektrik tertiplerini kullanarkan.Bunun için annadȇr hem nasaatları verer Hatalı olaylar regional bakannıın ofiţerı Ruslan Mazurenko.
«Biz isteeriz danışmaa analara-bobalara, ani lääzım korunmak kurallarını bakmaa,haliz ateşi kullanarkan.Uşaklar yalnız kaldıynan, kendi başına, gaz plitaları, sobaları hem elektrik tertiplerini tutuşturmasınnar.Lääzım beklesinnär büükleri, da onnarlan barabar kullansınnar sıcak verici tertiplerini. Kanikulların vakıdında büük yaştan insannar lääzım bilsinnär, neredä bulunȇrlar uşaklar hem ne onnar yapȇrlar.Haliz hatalı erlerdä,evlerindä- kufnedä, o evlerdä , angıları çorbacısız kaldılar yada sokaklarda.Uşaklara olmaz oynamaa sırniklärlän, tuşturmaa hem oynamaa ateşlän. Bu işlär kötü hem belalı olaylara var nicä getirsinnär»,- nışannadı Mazurenko.