Her yıl Kasım ayın 8-dä ortodoks  hristianarı bakȇrlar  Ayozlu  Dmitriy Solunskinin    gününü,  insannarın aarasında ona deniler «Kasım» günü.  Nesoy Dmitrinin küçüklüü geçti hem da nicä o Allaha geldi, annadȇr Polina Barbova.

Klisä kiyatların yazılarına görä, Dmitriy  duudu  Greţiya  devletin  Soloniya  kasabasında.  Onun  anası hem bobası saklı hristiandılar.  Dmitriy  şindän sora büükmüş, geçmiş  18 yaşını, açan onun bobası ölmüş.  İmperator Галерий  Mаксимилиан,  angısı  305 – ci yılda prestola girdi, genç çocuu  kendisinä  çaardı,  üürenip Dmitrinin   bilgilerini,  asker   kolaylıklarını , koydu onu bobasının  erinä  prokonsul — Fессалониядакы  oblastinä.   Baş dava, angısı  koyuluydu  genç prokonsula – bu kasabayı korumaa duşmannardan hem hristiannı yoketmää.

«Hepsi ortodoks halklar için, bu Ayoz sayılȇr duvacı Allahın önündä her bir insan için. Nicä yaşarkana, ölä da gittidiktän sora bu topraktan, pek yakın  insannara kendi yaşamasınnan, kendi sevgisinnän. Verdi kendi yaşamasını İisus Hristoz için, kan döküp , gösterdi bizä örnek, örnek kaavi inana, kaavi sevgiya»,- Ayozlu İoan Predteçä  adına klisesinin izmetçisi Dmitriy Tanasoglo annattı.

Çok zeet çekän Ayozlu Dmitrinin yaşaması pek meraklı , angısı kendisini çetin tuttu bitkiyadan, kırılmadı,  ilerletti  hristiannıı, korudu  inanımızı.

«Duva edärkän  adȇrım sizä, ki Kurtarıcı versin sizä kaavi saalık, kaavi can, büük dayanmak, kuvet sizin işinizdä. Bütünnä Gagauziya Radio Televizionun Cümnä Kampaniyasının uzmannarın adından kutlȇȇrız sizi bu käämil, meraklı yortuylan, başlȇȇrız sizä te bu gözäl çiçää, ki kalsın sizdä anmak bizim kampanyamız için. Çök saa olasınız, bütün üürektän şükür ederim sizi. Bän dä isteerim sizä sölemää, çok saa olasınız, ani siz izmetinizi adȇrsınız halka, cümneya.  Bununnan, sizin çalışmanızlan Ayozlu klisä, bizim Kafedral soborumuz, bizim yaşayannarımız bilgicli»,- söledi Dmitriy Tanasoglo.

Link

Embed

Copy and paste this HTML code into your webpage to embed.

Avtor: P.Barbova, operator: S. Georgiev