Kazayak küüyündä «Biz aktiv adamnar 63+» sport yarışması geçti. Olay «Aktiv yaşamak» programanın sınırlarında geçti, angısı Kazayak hem Joltay küülerin Aksakallarını barabar topladı.
Sport yarışmasının pay alannarı lääzımdı türlü sport konkurslarını geçsinnär. Burada diildi sade kuvet önemni, ama komanda ruhu, desteklemäk hem üüsek uurda kef. Kazayak küüyün komandası yarışmaya üüsek uurda hazırlanmıştı. Onnar biri -birinä yardım ettilär hem savaştılar üüsek cıkışları göstermää, dedi Kazayak küüyün komanda başı Födor Üsümbeli.
FÖDOR ÜSÜMBELİ Kazayak küüyün komanda başı
«Bän artık 70 yaşından zeedä, işi braktım, te adamnarlan zanaatlanêrız sportlan. Şindi bän annadım «Sport -o dünnä» lafların maanasını — biz bütün ay zanaatlandık- görersiniz,ani taradık, sevineriz buna. Zordu çekettirmää, açan Zahar Nikolaeviç haberledi konkurs için — ama yaptık. Hepsi savaştı, bän şaştım bölä yaşta bukadar savaşmaa da göstermää çıkışları».
Hep üüsek uurda becermekleri Joltay komandası da gösterdi. Pay alannar için bu buluşmak diil sade sport yarışması oldu, ama bir kolaylık buluşmaa, lafetmää hem şen vakıdı geçirmää.
Joltay..
Gag “Geldik Joltaydan, geldik asoţiaţiya 63+, var yarışmaa, futbol oynamaa, basketbol».
Yaşlı insannar için bölä buluşmaklar vererlär kolaylık dostalarlan kaarşılaşmaa, aktiv kalmaa hem islää vakıdı geçirmää, dedi Gagauziya Aksakallar Nasaatın başı hem konkursta jüri başı Vasiliy Arnaut.
VASİLİY ARNAUT Gagauziya Aksakallar Nasaatın başı
«Biz beşinci yıl olayları küülerdä barabar Aksakallar nasaatlarınnan geçireriz. Bölä yaraşmalar Beşalmada, Tomayda, Valkaneştä, Kongazda , şindi Kazayakta olêr. Biz ilerledecez bunu , programada Çadır. Bu önemni ki bizim yaşlı insannar evdä durêrlar, hastalanêrlar — taa islää çıksınnar bizim aramızda olsunnar , siiretsinnär nesoy türkü çalêrlar , şiir annadêrlar”.
Hepsi konkursların çıkışlarına görä ilk eri kazandı Kazayak komandası. Ama nicä nışannadılar pay alannar, buluşmanın önemnii diil sade sport uurunda oldu, ama üüsek kef, tatlı laflar hem istemäk kalmaa aktiv uurda.