Kazayak küüyündä İisus Hristozun, İoan Bogoslovun hem Allahın anasının adına kruçayı svinţit ettilär. O koyulu küüyün kenarında Taraklı tarafından girärkana.
Kruçayı koydular burayı taa 2006-cı yılda, ama dolayı diildi düzülü. Şindi sa Vinzavod dolayın yaşayannarın iniţiativasĩna görä burası tertiplendi hem düzüldü. Okudular kruçayı Ayoz Georgiyin adına klisenin izmetçileri. Boba Andrey Mihu urguladı, ani bu pek önemni bir olay bütün küü için.
«Biz svinţit ettik kruçayı, biz yalvardık Allaha, ani Allaa kendi kruçasınnan korusun bizi, yardım etsin bizä da neyi da çekettimeyelim her keret soralım Allahtan yardım hem söleyelim şükür Allaha. Ko bizim kruçamız korusun bizim küüyümüzü hem kim girer, çıkȇr Allaa yardım etsin kruçaylan»,- Boba Andrey Mihu urguladı.
Bu önemni din olayında bulundular kazayaan yaşayannarı, erindeki hem regional kuvetleri, hep ölä da ekonomika agentleri , angıları yardımcı oldular bu işi yapmaa.
«Bän verdim üreemi taa küçüktän İisus Hristoza, pek çok kaldırdı o bizi ayaa. Benim adam.m çok yattı yatalak, kaldırdı onu biraz ayaa, başladı gezmää, yok nicä geçiim kruçanın yanından da gelmiim. Hepsinä saa ol yardım ettilär, nekadar danıştım geeri çevirmedilär, verdilär».
Kazayak küüyün primarı Grigoriy Kior şükür etti hepsini, kim yardım etti bu uurda hem barabar işlär yapıldılar.
«Bu pek önemni bir er, isteerim sölemää, ani insan bizim pek annadı bu işi, katıldılar ekonomika agentleri da toplanıp ta oldu bu iş. Sanȇrız, ani o yardım edecek bizim küüyä, bizim insannara var taa neetimiz taa iki kruça koymaa, ani bütün küü korunsun»,- Grigoriy Kior urguladı.
Yaşayannar urguladılar, ani kruça küüyün kenarında o haliz istoriya hem inan simvolu.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!