KDU iş baalantısı buluşması geçti. Onda pay aldılar KDU rektoru S.Zahariya hem TD gelän uzmannar Levent Eraslan hem Emre Ünal.
KDU milletlär arası ilerlemä strategiyasını gerçekleer, bununnan bilä kurup sıkı baalattıları başka devletlerin universitetlerininnän. Türkiye devletindän gelän profesorlarlan buluşmanın süresindä rektor nışannadı TD universitetlerininnän baalantılarının maanasını.
«Biz klasik universitetiz, ama ön planda internaţionalizaţiya-yabancı programalar hem studentleri burayı savaşȇrız almaa, onuştan da büünkü gündä bizdä üürenerlär TD studentlär hem Azerbacandan bulunȇrlar burada»,- Sergey Zahariya KDU rektoru nışannadı.
Rektor nışannadı, ani büün universitet halklaarası istedilkerä görä ilerleer. Bu verer kolaylıkuniversiteti başaran uzmannara dünnä iş panayırlarına çıkmaa.
«Bizä deyni çok önemni denklik, diplomalar olsun TD, yıllarca biz göreriz, ani diplomalarımızı tanımȇȇrlar hem gençlär sınıflara lääzım girsinnär. İkinci- bizi var nicä Türkiye Devletindä zanaat reestrusuna koysunnar, ki gençlär görsünnär angı zanaatlara görä var nizä üürensinnär bizdä »,- Zahariya kendi bakışını açıkladı.
Buluşmanın süresindä profesor, doktor Levent Eraslan nışannadı, ani büünkü üürenmäk sistemindä önemni eri kaaplȇrlar dicital sistemaları, angıları geiştän bütün dünnedä kullanılȇrlr. profesor nışannadı, ani büünkü uzmannar lääzım becersinnär pek hızlı zamandaş istedikleri geliştirmää hem, lääzım olarsaydı, diiştirmää dä.
«Universitetin yaptıı çalışmalarını bileriz, Ünuz Emre kurumun burayı yolladı üüredicilerini da bileriz. Bizim burada vereceemiz eytimnerimiz olacek , özelliklän, dicital dünnää, yapay zekää, dicital girişimciliklän. Dünnedeki gelişmeleri buradakı üüretmennerä annatmaa isteeriz »,- Levent Eraslan nışannadı.
Buluşmakta bulundular KDU üürenän türk hem azerbacan studentleri dä. Onnar da yapma fikirin kullanması kolaylıklarını hem faydasını annattılar.
Şamsaddin Gurbanov, KDU studenti, söledi: « Türkiyedän burayı gelän üüretmennär buradakı studentlerä büük destek hem şans verer. Bakarsak başka devletlerä Franţuzlara, Engilterraya orada ekilän toomnar 100 yıldan sora önemni olur, ama sizinnän attıınız adımnarın çıkışlarını 30-50 yıldan sotra gelän üürenicilär göreceklär».
Buluşmakta pay aldılar universitetin fakultetleri dekannarı da. Buluşmanın çıkışlarına görä iş baalantılarını ilerletmesi hem eni proektleri gerçeklenmesi kararları kabledildilär.
Avtor: A. Terzi, operator: V. Kıssa, montaj: M.Kazaku
Moldovanın hem Gagauziyanın en mekalı haberleri GRTnın Telegram kanalında!