KDU hem İzmail milli gumanitar universitedi imzaladılar annaşmayı iş birlii için, akademiya diişmekleri için hem barabar proektlär için.Dokumentä görä bakılı üüretmek plannarı, master klassların geçirilmesi, publik lekţiyalar hem uzmannarın barabar hazırlaması.
Buluşmanın vakıdında KDU rektoru urguladı,ani universitettä var 80 zeedä haklkar arası annaşması, çoyu onnardan kurulu Türkieye devletin hem Rumıniyanın üüsek üüretim merkezlerinnän. Universitettä aktiv illerlener multilingval üüretmesi, ama ayırı akţent koyulȇr gagauz dilin üürenmesinä hem illerletmesinä.KDU pay alȇr evropa üüretim programmalarında hem genişleder akademika mobil kolaylıklarını.Bundan kaarä rektor urguladı,ani studentlerin arasında var gençlär Ukraindan,da üüsek okulu açık hertürlü işbirliinä.
İzmail milli gumanitar universitedin başı Yaroslav Kiçuk urguladı iş birliin önemlisini, urgulayıp,ani barabar çalışmak birleştirer üüsek üüretim merkezleri diil sade geografiya uurunda,ama illerlemäk neetlerindä da.
«İsteerim sölemää,ani büün oldu istoriya olayı, neçinki duyȇrım kendimi burada nicä evdä, neçinki bizi birleştirer diil sade geografiya erlleşmesi,ama istoriya,literatura, hem en önemli – işbirliin strategiya kolaylıkları»,- Yaroslav Kiçuk urguladı.
Üüsek üüretim merkezlerin iş baalantısı –gagauz dilin hem kultura varlıın kooruması, urguladı Odessa bölgesinin gagauz kultura merkezin öndercisi Olga Kulaksız.O taa annattı neylän zanaatlanȇr merkez hem nesoy davaası onun var.
İki üüsek üüretim merkezin arasında işl birlii baalantılarına görä bakılı üüretim plannarlan diişmek, master-klassların geçirilmesi,cümnä lekţiyalar, hem üüsek uurdan uzmannarın hazırlanması.
Moldovanın hem Gagauziyanın en mekalı haberleri GRTnın Telegram kanalında!