Kıpçak küüyün Günduusu tarafında okundu eni koyulan pravoslav Kruça. Bu önemni din olayına toplandılar küü yaşayannarı.
Koymaa bu erdä eni pravoslav kruçayı kararladı Kıpçak küüyün genç yaşayannarı. Bütün proekt hem hepsi geçirilenän işlär yapıldılar yaşayannarlan. Kimin nedä oldu kuvedi, yardım etti. Finans harçlarını da kendileri kapattılar.
«Bu çocuklar, David Kostinin çocuu, onnar benim soylarım . Kayraklıya dooru koydular. Onnar çok çalışkan uşaklar — koydular saalık için, çalışȇȇrlar — onnarın däduları klisedän çıkmardılar, malisi çok, bakȇrım onnarda, kliseyä da gitti, yardım eder».
«Geldik baktık, krest gözäl, hepsicii gözäl..lääzım pak olsun, oturdun dinnendin, te o kim yapmış – helal».
«Pek islää, ani çocuklar yaptılar, çalıştılar, pınarcık yaptılar, fidan diktilär, lääzım enidän koymaa, sade kullanmaa, koyunnarı var nicä kolvermesinnär burayı, olsun pak».
Bölä olayın hem küüdä Kruça koymasının maanası için söledi Kıpçak küüyün klisä izmetçisi Födor Karakalçev: «Allah, ani korusun deyni hepsini, var adet-ani lääzım koymaa stavroz. Stavroz lääzım olsun küüyün dolayında en aazdan 4 erdä, ani koruyȇr bizi hem gösterer, ani biz hristiannar. вырезать — kim da ani savaşȇȇr bölä işlerä deyni izmet etmää, koyer kendi kuvedini, bu işä deyni var Allahtan izin onnara deyni, neçin deyni yapmaa, almaa kendi üstünä bu işi o gösterer bizim köklerimizi».
Kıpçak küüyün gençleri şükür laflarını söledilär hepsinä, kim katıldı bu büük hem önemni işä. Ayırı saa ol dedilär klisä izmetçilerinä, ani onnar okudular hem slijbayı bu erdä geçirdilär. Hep ölä da şükür lafları iniţiativa grupası küüyün karılarına söleer, ani onnar izmet ettilär hem hazırladılar sofrayı bu büük yortu için. Belli ediler, ani taa ileri hep bu gençlär Kayrakliya tarafına dooru pınarda düzmek işlerini geçirmişlär. Onnarın çalışması için primariya adından diplom verildi.
Moldovanın hem Gagauziyanın en mekalı haberleri GRTnın Telegram kanalında!