Komradın stadionunda geçti kız futbol kuboo. Yarışmalarda pay aldı dört komanda Moldovadan, onnarın arasında Komrat uşak sport okulundan futbolcular.
Gagauziayanın kız futbol kubouna geldilär insannar , angıları beenerlär bakmaa futbol. Yarışmalar geçtilär islä, büük azartlan, söledi Gagauziya sport bakanı Väçeslav Dragoy: «Biz kendindän , hem Bakannık komitetindän , hem da Gagauziya sport bakannı yapacez hepsini , ki üüseltmää kız futbolun uurunu. Stadionunda büün, nicä da herzaman, yortu .Büün biz geçireriz kız futbolun açık kuboo».
Trenerlar söledilär, ani Respublika uurunda kız futbol turniri geçer her yıl.
«Büün Komrat stadionunda geçer Respublika kız futbol turniri. Oynȇȇrlar uşaklar 14 yaşınadan, olacek 4 komanda Moldovadan. Komandalar : «Real success», «FС Chișinău», «Anenii Noi», hem da bizim futbolcularımız Komrat uşak sport okulundan».
«Biz oynȇȇrız , bizdä geçer turnir , da sora olacek çempionat sezonu. Bän sanȇrım bu turnir bizä deyni pek islä şans , göstermää kendini , açık çempionatta , da almaa nesoysa becermek bundan».
Uşaklar söledilär kendi bakışlarını yarışmaklar için.
«Büün geçer Gagauziyanın çempionatı. Oynȇȇr 4 komanda .Pek islä çempionat. Bän beendim»
«Biz oynȇȇrız «Anenii Noi» komandasında . Büün biz geldik, da isteeriz kabletmää çok ödül».
«Biz sevineriz , açan gideriz nereyi sä . Bulȇrız eni komandaları, da sora onnarlan buluşȇrız, oynȇȇrız da sevineriz, açan görüşeriz».
«Büün geçer Gagauziya kuboo. Bu önemni turnir».
«Bän gezerim futbola 3.5 yıl , da pek sevinerim .İsteerim olmaa nicä Ronaldo. Bizdä oldu turnir , ama biz aldık 2-ikinci eri .Bizä futbol pek önemni».
Gagauziya sport bakanı söledi, ani kız futbolunu lääzım ilerletmää .
«Bän pek beenerim , ani bizim Gagauziyada var insannar nicä Andrey Leonov . O bir adam , angısı çok vakıt hem energia verer kız futboluna. İsteerim sölemää çok saa ol bu insana , da hepsi musaafirlerä, angıları geldilär büün burayı tutturmaa bizim futbolcularımızı.Hepsi kızlara, sportçulara , angıları gezerlär futbola da büün geldilär oynamaa kubok için»,- Gagauziya sport bakanı söledi.
Yarışmanın hepsi payalarını ödülledilär. Gagauziya kuboonu verdi Gagauziya sport bakannı Väçeslav Dragoy hem Komrat uşak sport okulu treneri Andrey Leonov. Gagauziya Kuboonu — 2025 kabletti «Real succes» klubu. Kişinöv kasabasından. 2-ci eri kabletti komanda «FС Chișinău», 3-cü eri aldılar futbolcular Komrat uşak sport okulundan, 4-cü eri aldılar futbolcular «Anenii Noi» komandasından.
Moldovanın hem Gagauziyanın en mekalı haberleri GRTnın Telegram kanalında!