Komrat kasabasında haklar arası güreş kuboo geçti. Onun kurucusu Komrat muniţipiyasının sport okulu.
Halklararası turnirdä 130 sportçu çoyu devletlerdän pay aldılar. Bu urgulȇȇr, ani turnir önemli hem yıl –yıldan taa üüsek uura kalkȇr,nışannȇȇr Komrat primarı Sergey Anastasov: «Saygılı musaafirlerimiz, isteerim şükür edim Türk devletini, angısının yardımınnan yapıldı bu sport salonu,da biz burada bölä büük olayları geçireriz».
Moldovada Türk devletini viţe-konsulu Komratta Suriya Kuliver kutladı herkezini, kim katıldı halklararası turnirinä.
«Sport çok önemli bir sport yarışmaları da dostluu kuran çok önemli .Uluslararası dostlutk köptüleri kurulȇr .Türkiyedän hem başka ülkelerdän gelän bütün sportçulara hoş geldiniz derim»,- Suriya Kuliver nışannȇȇr.
Gençlik hem sport bakanı işini bir vakıda götürän Pavel Tulba dedi,ani umutlanȇr,ki turnir ileriya da üüsek uurda geçirilecek.
«Umutlanȇrım, ani turnir adetä görä ilerleyecek,da geçecek çoyu devletlerin sport klubların kalendarinä görä»,- Pavel Tulba dedi.
Moldova Güreş Federaţiyanın viţe –prezidenti Valeriy Zabolotnıy nışannadı,ani sport salonunda çok anılmış Moldovanın hem başka devletlerin sportçuları bulunȇr.
«Bu gün Komrat kasabasına Dünnä hem Evropa çempionnarı geldilär,Olimpiadalarda pay alannar .Onnarın sırasında –İrina Rıgaç,Viktor Peyko . Onnar genç sportçulara örnek. Bu belli eder,ani turnir üüsek uurda geçer»,- Valeriy Zabolotnıy nışannadı.
Yarışmaları görmää hem tutturmaa sportçuları anılmış Moldovanın hem Gagauziya trenerlerini geldilär. Sportçular üüsek uurda becerikliini gösterdilär,söleer Komrat muniţipiyanın sport okulun başı Gavriil Tulba: «İnanȇrım ,ani bu genç spotçular –geleceemiz. Onnar kendi devletlerini dünnä hem Evropa çempionatlarında temsil edeceklär».
Sportçular kaavi hazırlanmaklarını serbest güreştä gösterdilär.Yarışmanın sonunda tarıyıcılar ödüllendilär. Halklararası turnir gösterer,ani sport birleştirer hem dostlaştırȇr evlat boylarını.
Moldovanın hem Gagauziyanın en mekalı haberleri GRTnın Telegram kanalında!