Komratta Sergey Filioglo adına fortepiano hem kamera muzikası respublika festivali geçti. Anılmış pianist hem konţertmeyster aprel ayında 50 yaşını nışannayaceydı. Onun adı birleştirdi bir sţenada üüredicileri, studentleri hem muzikacıları bütün devlettän.
Komrat muzika okulunda toplandı genç muzikacılar, üüredicilär hem studentlär bütün Moldovadan. Burada geçti Sergey Filioglo adına respublika fortepiano hem kamera muzıka festivali — talantlı pianist, kimin ömürü hem yaradıcılıı braktı derin iz muzika zanaatında.
Sergey Filioglo muzikaya yolunu başladı Komratta, birinci pedagogu Natalya Stanţoy. Sora Sergey Rahmaninov adına liţeyindä, Muzıçesku adına konservatoriyada üürendi. Onun virtuoz çalışmaları, incä muzika duygusu hem üüsek professionallıı verdi kolaylık Moldovanın hem Evropanın saţenalarına çıkmaa, katılmaa halklararası konţertlara hem festivallerä, dedi ilk muzika üüredicisi Natalya Stanţoy: «Sıkça onun mesajlarını okuyȇrım.O bana konţertların paylarını yollandırardı.Natalya Georgievna sesläyin. Bän ona yalpak-Seröjenka därdim.Yazardı, açan bolniţada bulunardı.Deyärdi ,ani acıları var ,ama büük plannarı da yaşamasında kurardı».
Kollegalar hatırlȇrlar Sergey Filiogloyu -talantlı muzikantı hem çok ii konţertmeysterı.
Sergey Filioglo adına festival geçer Komrat Devlet Universiteti kultura hem zaanat kafedrası iniţiativasına görä.
«Sergey Vasilyeviç üüsek uurda muzikacıydı. O örnek hem studentlerä, hem üüredicilerä.»
«Açan Sergey Filioglo geçindi,biz annadık,ani az bileriz onun yaradıcılık yolu için. Festival belli edecek,ani pek zengin. Biz kararladık festivali her yıl geçirmää,da inanȇrız,anı o örnek evlat boylarımıza olacek.»
Festivalin programasında özel er tutêr master-klasslar, angılarını geçirer Moldova Respublikası halk artisti Anatoliy Lapikus: «Butakım festivallär pek önemli .Onnar talantlı insannara baaşlı,unudulmasın onnarın büük çalışmaları muzika, incä zanaat uurunda».
Sţenada — uşak muzika okulun üürenicileri, muzika, teatr hem incä zanaatlar akademiyasının hem Komrat universitetinin studentleri hem üüredicileri . Genç muzikacılar için bu pek önemli üüsek professional urunda muzika adetlerinnän tanışmaa, söleer zanaat şkolası direktoru— İrina Bogataya: «Pek önemli hatır gütmää talantlı insan için.Sergey -professional muzikacıydı, aklımızda yıllarca kalacek».
Bugün dä Sergey Filioglonun muzikası öter — arhiv yazmalarında hem onun yolundan gidenlerin yaratmalarıbda. Herbir konţert –örnek. Bekim herzaman çalışmalar uymȇȇr.Lääzım kantarlamaa,da üürenmää. Herbir konţert önemli. Sergey Filioglo adına festival oldu diil sade professional görüşmelär için bir meydan , ama hatır saygısı muzikacıya, kimin yaradıcılıı ilham verer evlat boylarına.
Moldovanın hem Gagauziyanın en mekalı haberleri GRTnın Telegram kanalında!