Kongaz küüyndä 3-cu Halklar arası «Kongaz ustalıı» festivali geçti.Yortuda Gagauziya, Pridneustrovye regionundan ustalar pay aldılar.
Yakın 50 el işlerindän zeedä sergidä ustalar, uşak başçaların hem okulların kollektivleri erleştirildilär Kongaz küüyün meydanında hem kultura evindä. Herbir ekspoziţiya gagauzların kulturasını, adetlerini belli eder. «Kongaz ustalıı» festivali eni türküylän açıldı.
«Biz seftä geldik ,da umutlanȇrız, ani siiredicilär programamızı beeneceklär.
«Pek gözal bırası».
«Biz sergilärlän geldik ,el işlerini, türlü suvenirleri gösterecez».
«Pek sevinerim, ani geldim ana topraama, canımı sevdirttim Bu etmärdi bana bitki vakıtlar, açan bulunȇrsın uzakta-başlȇȇrsın darsımaa».
«Biz Ukraina kulturasını gösterecez. Svetlıy küüyün adetlerini .Küüyümüz çok milletli .Herkezin paycazı var burada».
Genç pay alannar barabar üüredicilärlän gösterdilär,ani adetlerimiz yaşȇȇrlar hem ilerleerlär.
«Bu festival pek önemli gagauzlara-kulturamıza. Gösterelim, ani biz onu saȇyrız- bakerız».
«Festivalä özel el işlerini getirdik.Onnarda inanılmaz çalışmalar .Biz lääzım koruyalım onnarı».
«Biz göstereriz, nasıl eveldän üzüm toplaarmışlar, çiten yaparmışlar. Üzümleri koyarmışlar täska».
«Çok saa olsunnar, ani yaptılar festivali. Olsun her yıl da taa zeedä olsun .Gençlär gelsinnär da görsünnär».
Yıl -yıldan taa çok zanaatlar çıkarȇrlar burayı. Festivalin var yaşaması.
«Kongaz ustalıı» festivalin kurucuları nışannȇȇrlar,ki yıl –yıldan olaya taa çok insan katılȇr, angıları halkın kultura varlıını korumaa çalışȇrlar.
«Gagauzluu belli etti dnneyä bizim dedelerimiz. Kilimnär, dorojkalar, masa bezleri. Onnar kıymetsiz işlär. Festivalin daavası insanın becerekliini göstermää, ani insan çok iştän var nasıl gözellii yaratsın »,- Matröna Hristeva Kultura evi başı nışannadı.
Kongaz küüyün başı Mihail Esir nışannȇȇr,ani bölä olaylar yardım ederlär korumaa halkın zenginniini hem tutturmaa ustacılıı.
«Bu festivali 3-lä geçireriz. 48 pay alan var. O toplȇȇr hepsimizi barabar. Bu küçük erdä var çok halklar hem çok kulturalar»,- Mihail Esir nışannȇȇr.
«Kongaz ustalıı» festivali genä birleştirdi evladboylarını, angıları halkın el zanaatlarını koruyȇrlar.
Moldovanın hem Gagauziyanın en mekalı haberleri GRTnın Telegram kanalında!