İyül ayın 9-da sabaaylen korupţiyaylan güreşmäk merkezin uzmannarı Kaul kasabasından bir politika kurumun ofislerin birisindä aaraştırmayı geçirdilär. Altı kişiyi arest altına aldılar, neçin ki onnarı kabaatlı bulȇrlar kanona karşı politika partiyasının finanslamasında, paraların kabletmesindä hem finasn harçların çıkışların diil dooru hem açıktan temsil etmesindä.
Komrat kasabasında iyül ayın 9-da politika partiyaların birisinin ofisindä hem kimi aktivistlerin evlerindä aaraştırmaklar geçtilär. Sebep onda, ani onnarı kabaatlı bulȇrlar kanona karşı politika partiyasının finanslamasında, paraların kabletmesindä hem finasn harçların çıkışların diil dooru hem açıktan temsil etmesindä. Çıkışta korupţiyaylan güreşmäk merkezin uzmannarı altı kişiyi arest altına 72 saada aldılar. Onnarı Kaula götürdülär. Politika kurumun ofisindä aaraştırmakların süresindä bulunardı «Pobeda» blokun azası Vasiliy Novak.
«Büün bizim günümüz diildi ii. Büün geldilär Kagul kasabasından korupţiyaylan güreşmäk merkezin uzmannarı. Telefon bu sabaa açtılar da söledilär ofisı açayım. Etiştirämedim bu işi yapmaa, yapının çorbacısı kapuyu açtı. Şindi dokumentleri doldurerlar, advokatı bekleeriz. O gelmeyincä bişey yok nicä yapalım. Biz hepsimiz annerız, ani abanmaklar Pobeda blokuna giderlär da bu diil ilk keret»,- «Pobeda» blokun azası Vasiliy Novak annattı .
Nicä yazılı korupţiyaylan güreşmäk merkezin saytında bu aaraştırmaklar işin sınırlarına görä geçirilerlär.Aaraştırılȇrlar o kişilerin kanona karşı yaptıkları, angıları toplardılar insanı protest akţiyalarına, kurumun aktivistlerinä, pasajir götürcülerinä kazanç paraları ödärdilär hem kim kullanardı «МИР» bank kartalarını, angılar Rusiya devletindä yapılı hem işleerlär.
17 aaraştırmakların süresindä,angılar altı kişinin evlerindä hem komrattakı politika kurumun ofisindä geçirildilär buldular hem ley hem yabancı para, hem da türlü banka kartalarını.