Moldovada zor hava durumnarı ilerleerlär. Komunal izmetleri dikkatlık rejimdä çalışêrlar: yolları hem trotuarları temizleerlär, onnarın üstünü buza kaarşı serperlär. Poliţiya uzmannarı şoferlara yol kurallarını kullansınnar danışêrlar hem vakıtçasına hızlı yardımnamak izmetlerinä danışmaa.
«Обсуждаем вместе» programanın sınırlarında yollarda durum için annattı Komrat kasaba primarın yardımcısı Viktor Balcı. Onun laflarına görä, primariya komunal hem başka maasuz izmetlerinnän çalışêrlar dikkatlık rejimında.
«Saat 5-tä -6-da tehnika çıkêr, paklêêr hem kum sepeler. Kasabasının yolları paklanêrlar, sora da yollar neredä başka marşrutlar geçerlär. Sora da ikincili yolları açêrlar»,- Komrat kasaba primarın yardımcısı Viktor Balcı annattı.
Kötü havaylan baalı durum için soledi Komrat-Çadır patrül izmetin uzmanı Andrey Dimitroglo. O urguladı, ani şindiki vakıtta önemni, ki şoferlar dikkat olsunnar yollarda, kuralları esaba alsınnar.
«Sölediynän şoferlar için, — er diilsäydi pek lääzımnı, evdän taa ii çıkmasınnar, ama er pek lääzımkana, erkencä çıskınnar, maşinanın durumunu baksınnar, yolda dikkat olsunnar»,- Andrey Dimitroglo urguladı.
Koruntuluk kuralları için söledi Gagauziya Hatalı olaylarda bakannın uzmanı Nikolay Nikologlo. O urguladı, ani bişey olduynan, diil lääzım kendi başına problemayı çözmää — lääzım danışmaa maasuz izmetlerä.
«İlk erdä bulunêr annamak, ne var nicä olsun. Açan insan evdän çıkêr, lääzım havayı baksın, dikkat olsun, önünä baksın, lüzgär sä- uzak olsun tellerdän. Lüzgär var nicä hızlansın, ama er yaşaydı, var nicä belaya getirsin»,- Nikolay Nikologlo urguladı.
Saurgun hem buzluk olêr çoyu dolaylarda, ne var nica zeedelesin hatalı olayların sayısını.
Moldovanın hem Gagauziyanın en mekalı haberleri GRTnın Telegram kanalında!