İyül ayın 12, Pötr hem Pavel Apostolların günündä, Kırlannar küüyü nışannȇȇr 100-cü yıldönümünü. Bu önemni günä, küüyün zengin istoriya için tipardan çıkmaa kiyat hazırlanȇr. Avtorların birisi 74 yaşında İvan Semönoviç Duşkov. Onun yaşaması ayırılmaz ana küüyündän.
İvan Semönoviç Kırlannar küüyündä duudu hem büüdü. Bu er 1924 yılda kuruldu Kongaz küüyün yaşayannarın topraklarında, neredä onnar çiftçiliklän hem hayvannıklan zanaatlanardılar. Buradan da çekiler küüyün ilk adı «Kırlannar», angısının maanası kırda işleyän insannar.
İlk göçmennär, angısının sayısında İvan Semönoviçin dedesiydi, çalışardılar bu topraklarda, ama uzun hem zor yol beterinä seçtilär erleşmää yaşamaa bu topraklarda. Yavaş- yavaş, yıl- yıldan küü büüyärdi hem genişlenärdi. 1950 yılda Sovet kuvetlerin kararına görä küüyün adı Kotovskoe koyuldu.
1985 yılda Ivan Semenoviç erideki nasaatın başı oldu. Ozaman onda ana küüyü için kiyadı yazmaa fikir peydalandı. Çok yıllar o topladı materialları, insannarın istoriyalarını sesledi, arhiv dokumentlerini aaraştırdı.
Nicä annadȇr Ivan Semönoviç, o vakıt onun en büük başarıların birisiydi — işbirlik Gagauziya öndercilerinnän Stepan Topallan hem Mihail Kendigelännän.
Bakmayak ona, ani geçmiştä türlü savaşmaklar yazmaa kiyadı peydalanardı, onnarın taa çoyu başa çıkmardılar. Sade yarım yıl geeri, kuvedini birleştirip, adam alındı genä kiyadı yazmaa, annadȇr İvan Semönoviç.
Kiyat artık verildi tipara, ama İvan Semönoviçin сanında var taa bir istemäk. Ki eski kruçanın erindä, angısı durardı onun dädu-bobaların erindä, kurulsun küçük klisä.
Ivan Semönoviç sade bir işä pişman olȇr, ani küülerdä taa siirek Gagauz dili işidiler. Onuştan o danışȇr küçüklerä hem büüklerä, ki atılmasınnar köklerindän hem korusunnar dedelerin istoriyasını, hem dilini.