Kişinövda ödülledilär bakalavr ekzamennerini ii notalara verän üürenicileri. Bu yıl seftä Moldovada ekzamenneri 10-na verän üürenicilerin sayısı 100 (üzü) aykırladı.
En ii üürenicileri ödüllemäk olayını MD üüretmäk hem aaraştırmak ministrusu Dan Perçun açtı. Kendi sözündä o nışannadı bu üürenicilerin önemini MD gelecää için. O açıkladı soruşu, angısı başarannarın gelecäännän baalı. MD Parlament başı İgor Grosu nışannadı üürenmäk yılın ii çıkışlarını. Üürenmäk kurumnarını başarannar şükürlük laflarınınnan ana-bobalara, üüredicilerä danıştılar.
Bu yıl 18 bin 437 üürenicinin arasından 14 bin 602-si ekzaminneri veräbildilär. Ekzaminneri başarılı verän üürenicilerin sayısı 100-dä 76-sı. 1600 üürenici 9-za ekzaminneri verdilär. 114 en ii üürenicinin arasında Gagauziya G.Vieru adına lüţeyin üürenicisi Anastasiya Markin bulunȇr.
Moldovanın hem Gagauziyanın en mekalı haberleri GRTnın Telegram kanalında!